चोखामा बजार अनुगमन

अनुगमनमा प्रमिला किराना पसल दर्ता नभएकोले त्यहि स्थानमा दर्ता गराई पसल व्यवस्थित गर्न र तराजु नापतौल विभागमा नविकरण गर्न निर्देशन दियो । पूर्णिमा स्टोर पसल दर्ता नभएकोले त्यहि स्थानमा दर्ता गराई म्याद नाघेको सामानहरु ड्यू पा“च सय मिलिलिटरको ११ वटा, स्लाइस पा“च सय मिलिलिटरको १ वटा, क्रिष्टल पानी एक लिटरको बोटल १ केश जफत गरी नष्ट गरियो भने ढक तराजू नापतौल विभागमा दर्ता नविकरण गर्न निर्देशन दियो । त्यस्तै रामदेवी किराना पसलमा म्याद नाघेको एबिसि चाउचाउ ५ पाकेट, काजुबदाम कुकिज १ पाकेट, मारी विस्कुट २६ पाकेट, ड्यु दुईसय पचास मिलिलिटरको ४ वटा र पा“च सय मिलिलिटरको ३ वटा, मिरिण्डा जम्बो १ वटा बिएमसि चिकेन मसल २ पाकेट जफत गरि नष्ट गरियो । त्यस्तै आस्मा कस्मेटिक एण्ड फेन्सी पसल दर्ता प्रमाणपत्र नदेखाएकोले दर्ता नभए तीन दिन भित्र दर्ता गर्न निर्देशन दियो । त्यस्तै विमला सप्लायर्समा म्याद नाघेको सामानहरु ड्यू पा“च सय मिलिलिटरको २ वटा, पेप्सी पा“च सय मिलिलिटरको १ वटा, सेभेन अप पा“च सय मिलिलिटरको २ वटा, बिएमसी करि मसला ८ पाकेट, फुड कलर ६ वटा, ग्लुकोज डि १ वटा जफत गरी नष्ट गरियो भने पसल दर्ता नविकरण गर्न निर्देशन दियो । सृष्टि किराना पसलमा म्याद नाघेको कोकोनट विस्कुट ३ पाकेट, पशुपति पापड ३ पाकेट जफत गरी नष्ट गरियो भने ढक तराजु नापतौल विभागमा नविकरण गर्न निर्देशन दियो ।

[[img2]]

त्यस्तै हरि स्टोरमा म्याद नाघेको सामानहरु निकनक चाउचाउ ४ पाकेट, बिग मिमि चाउचाउ ६६ पाकेट, खुसि चाउचाउ ८ पाकेट, कोकोनट बिस्कुट ७ पाकेट, लभ बिस्कुट १ पाकेट, विग्रेको दुध दहि १३ पाकेट जफत गरी नष्ट गरियो भने पसल दर्ता नभएकोले तीन दिन भित्र दर्ता गर्न निर्देशन दियो । त्यस्तै रिफिल मेडिकल हलमा पसल नविकरण गर्न, औषाधि पसलमा बस्ने व्यक्ति औषाधि विभागको अनुमति प्राप्त मात्र बस्नुपर्ने सुझाब दियो भने म्याद नाघेको औषाधि हिमेक ३ वटा जफत गरि नष्ट गरिएको श्यानिटेशन उपशाखाका निमित्त प्रमुख वडा निरिक्षक रामकृष्ण प्रजापतिले बताउनु भयो ।