राप्रपालाई दिउँसो साढे २ बजेपछि मात्रै रत्नपार्क प्रवेश अनुमति दिइने, एमालेले २ बजेभित्र कार्यक्रम सक्ने सरकारको निर्णय

काठमाडौं, १४ जेठ । गणतन्त्र दिवसका अवसरमा काठमाडौंमा आयोजना गरिने विभिन्न कार्यक्रमहरूको व्यवस्थापनका लागि जिल्ला सुरक्षा समितिको बैठकले राप्रपालाई दिउँसो साढे २ बजेपछि मात्रै रत्नपार्क प्रवेश अनुमति दिने निर्णय गरेको छ।

प्रमुख जिल्ला अधिकारी (सीडीओ) ऋषिराम तिवारीको नेतृत्वमा बसेको उक्त बैठकमा जिल्ला प्रहरी परिसरका प्रमुख एसएसपी विश्व अधिकारीले जानकारी दिनुभयो कि एमालेले आयोजना गर्ने गणतन्त्र उत्सवका सबै कार्यक्रम दिउँसो २ बजेभित्र सकिने गरी तालिका मिलाइएको छ।

सरकारले सैनिक मञ्च र टुँडिखेलमा आयोजना गर्ने कार्यक्रम दिउँसो १२ बजेभित्र सकिनेछ भने त्यसपछि भृकुटीमण्डपमा एमालेको उत्सव सुरु हुनेछ। एमालेले २ बजेभित्र आफ्ना कार्यक्रम समाप्त गर्ने भएकाले राप्रपालालाई २:३० बजेपछि मात्र रत्नपार्क प्रवेश अनुमति दिइने अधिकारीले बताउनुभयो।

जिल्ला सुरक्षा समितिले निर्धारित समयभन्दा अघि वा बढी समयका लागि कुनै पनि समूहलाई कार्यक्रम सञ्चालन गर्न नदिने नीति पनि लागू गर्ने निर्णय गरेको छ। यदि कोही निर्धारित समयभन्दा अघि प्रवेश गर्न खोज्ने हो भने उनीहरूलाई नियन्त्रण गरिने छ।