यस वर्षको सम्यक महादान पर्व औपचारिकतामा सीमित हुने
पुष १३, २०७७, सोमबार | दिउँसो १२:२२ बजे | 65
भक्तपुर । भक्तपुर नगरपालिकाका प्रमुख सुनिल प्रजापतिको अध्यक्षतामा २०७७ माघ १ गते थथुबही परिसरमा मनाइने सम्यक महादान पर्वसँग सम्बन्धित सरोकारवालाहरूसँगको बैठक सम्पन्न भयो । सो बैठकले कोभिड १९ रोगको महामारीलाई मध्यनजर गरी २०७७ माघ १ गते मनाइने सम्यक महादान पर्वलाई औपचारिकतामा सीमित गर्ने निर्णय ग¥यो ।
बैठकमा नगर प्रमुख प्रजापतिले कोभिड महामारीलाई मध्यनजर गरी भीडभाड हुने गतिविधि तत्काल नगर्नु उपयुक्त हुने बताउनुहुँदै यस वर्षको सम्यक महादान पर्व पनि औपचारिकतामा सीमित गर्नु उचित हुने बताउनुभयो । कोभिड नियन्त्रण तथा रोकथामको लागि भक्तपुर नपाले गरिरहेको गतिविधिबारे अवगत गराउनुहुँदै उहाँले नेपाल सरकारको स्वीकृतिमा भक्तपुर नपाले एच.डी.यु. सञ्चालन गर्ने तयारीमा जुटिरहेको बताउनुभयो ।
[[img2]]
बैठकमा उपस्थित सम्यक महादानसँग सम्बन्धित सरोकारवालाहरूले कोभिडको जोखिमलाई ध्यानमा राखी यस पटकको लागि सम्यक महादान पर्व सामान्य पूजाआजामा सीमित गर्न सहमत भएको विचार व्यक्त गर्नुभयो ।सहभागीहरुले सम्यक महादान भक्तपुरमा प्रत्येक वर्ष, ललितपुरमा हरेक ५ वर्षमा र काठमाडौंमा १२ वर्षमा मनाइने परम्परा रहेको पनि बैठकमा जानकारी गराउनुभयो ।
बैठकमा प्रशन्नशील महाविहार— क्वाठण्डौ, मंगल धर्मदीप महाविहार— झौरबही, चर्तुब्रम्ह महाविहार—दरबार क्षेत्र, बौद्ध समंकृत विहार—कुथुबही र जयकृति महाविहार—थथुबहीका प्रतिनिधिहरुको उपस्थिति थियो ।
फाेटाेमा हेर्नुहाेस्...
Comments
.jpg)