मुगुका दलित अधिकारकर्मीले मागे गृहमन्त्री लेखकको राजीनामा

खड्क सुनार

मुगु २८ माघ

अन्तरजातीय विवाहलाई दबाउन तथा जातीय विभेद संरक्षण गर्न खोजेको भन्दै मुगुका दलित अधिकारकर्मीहरुले गृहमन्त्री रमेश लेखकको राजिनामा माग गरेका छन् । मुगुका दलित अगुवा युवाहरूले जिल्ला प्रशासन कार्यालय मुुगुमा प्लेकार्ड सहित बोकेर गृहमन्त्री लेखक विरुद्ध नाराबाजी गर्दे राजिनामा माग गरेका हुन । जिल्ला प्रशासन कार्यालय मुगुका प्रमुख जिल्ला अधिकारी कमल प्रसाद पाण्डे मार्फत प्रधानमन्त्री कार्यालय लाई ध्यानाकर्षण पत्र बुझाउदै ’गृहमन्त्री लेखकको राजीनामा माग गरिएको दलित अधिकारकर्मी जयराम विकले बताए । आन्दोलित युवामध्ये जयराम विकले संसद्मा गृहमन्त्रीको उत्तर चित्तबुझ्दो नभएको भन्दै थप आन्दोलन गर्नुपरेको बताए । आन्दोलित युवाहरूले यो विषयमा न्याय नदिएसम्म आन्दोलन निरन्तर हुने बताएका हुन । आईतवार यहाँका युवाहरुले विरोध जनाउदै जातिय विभेद अन्त्य गर , गृहमन्त्री राजिनामा दे दलित आन्दोलन जिन्दावाद जस्ता नारा गर्दे विरोध जनाएको उनको भनाई छ । कार्यक्रममा यहाँका दलित अधिकारकर्मीहरुको सहभागिता जनाएका थिए । ध्यानाकर्षण पत्रमा भनिएको छ , राज्यकै संरक्षणमा दलित समुदायमाथी अपमान विभेद र बहिष्करण गर्नुले सिंगो दलित समुदायलाई स्तब्ध बनाएको छ । प्रहरी प्रशासन , गृहमन्त्री लगायत राज्यसत्ताका महत्वपुर्ण अंगका जिम्मेवार निकायबाट दलितमाथिको अन्याय गर्ने ब्यक्ति र प्रवृत्तिको घोर भत्र्सना गरेको पत्रमा उल्लेख गरिएको छ । ध्यानाकर्षण पत्र बुझ्दै प्रमुख जिल्ला अधिकारी कमल प्रसाद पाण्डेले यो पत्र सम्बन्धित ठाउँ , निकाय सम्म पुर्याउने बताएका छन् । सर्लाही नगरपालिका ४ का सत्येन्द्र कुमार र वरहथवा ५ की नेहा रौनियारका बीचमा २०८१ पुस ३ गते विवाह भएको थियो । उनीहरूमाथि गृहमन्त्रीकै निर्देशनमा अत्याचार भएको बताइएको छ ।