यो वर्षको ज्यापू युवा प्रतिभा सञ्चार सम्मान पत्रकार महर्जनलाई
मंसिर २९, २०८१, शनिबार | विहान ११:०४ बजे | 70
ज्यापू संस्कृति विकास काेष काठमाडाैंले यस वर्षकाे ज्यापू युवा प्रतिभा सम्मान सञ्चार विधा ललितपुरका पत्रकार सुनील महर्जनलाई प्रदान गर्ने भएकाे छ ।
मूर्त र अमूर्त संस्कृति, सम्पदा संरक्षण तथा नेवाः समुदायका बृहत्तर सराेकारलाई अघि बढाउन पत्रकारिता मार्फत महत्वपूर्ण भूमिका निर्वाह गरेकाेमा कदर गर्दै महर्जनलाई साे सम्मान प्रदान गर्ने निर्णय गरेकाे काेषले जनाएकाे छ ।
याेमरी पूर्णिमा (धान्य पूर्णिमा) तथा २१ अाैं राष्ट्रिय ज्यापू दिवसकाे अवसरमा भोलि आइतबार वसन्तपुरमा हुने बृहत समाराेहमा प्रधानमन्त्री खड्गप्रसाद शर्मा अाेलीले महर्जनलाई साे सम्मान प्रदान गर्नुहुनेछ। काेषका अनुसार सम्मानपत्र र नगद राशि १० हजार रूपैयाँ प्रदान गरिने छ।
२०५९ सालमा महानगर दैनिकबाट पत्रकारिता शुरू गरेका महर्जन हाल नेपाल समाचारपत्र दैनिकमा सहायक सम्पादकका रूपमा काम गरिरहनुभएकाे छ। उहाँ संस्कृति, सम्पदासंगै अख्तियार , निर्वाचन, कानुन र प्रशासन सम्बन्धि रिपोर्टिङ गर्दै अाउनुभएकाे छ । देशभरका नेवाः पत्रकारहरूकाे साझा संगठन नेवाः पत्रकार राष्ट्रिय दबूका वरिष्ठ उपाध्यक्ष समेत रहेका महर्जन नेपाल अादिवासी पत्रकार महासंघ(फाेनिज) काे केन्द्रीय सदस्य हुनुहुन्छ।
Comments
.jpg)
.jpeg)
.jpg)
.jpeg)