मेरो प्रेम
चैत १, २०८०, बिहीबार | विहान १०:३० बजे | 55
हो
साच्चै हो,
तिमि
मसँगको प्रेम सम्बन्ध
सारा दुनियाँलाई थाहा दिएर
मेरै आँगन आई
पागल प्रेमिका सरि
चिच्याउनु
जोड जोडले चिच्याउनु
अनि मेरै तस्विर
पारेर च्याटचुट
कराउ र माग
प्रेमको नाममा
एउटा अलिसान महल
तर प्रिय
म तिमीले च्याटेको
मस्तिष्क लिएर
तिमीले खोजेको
धन सम्पतिको ओैकात
म
नापिरहेछु
मेरो चेतनाले
तिमीले
भौतिक सम्पत्तिलाई
प्रेम गर्नथाले पछिनै हो
मेरो मन
बदलिएको
त्यहीदिनबाट
सकिन म पग्लिन
तिमीले जति पगाल्न खोजेपनि
म प्रेममा पागल थिएँ
तिमी धन प्राप्तिमा
तब
रोजें मैले
फरक बाटो
म जस्तै
जीवन साथी
अन्ततः
म बदलिएँ
तिमीबाटै
आज म
यस कारण खुसी छु
मेरो विवाह
सफा मन
सुन्दर स्वच्छ भाव
सुन्दर शान्त
पारिवारिक वातावरण
र
संस्कारीसंग सुसूचित
एक जीवन संगीनीका साथ
व्यतित छ ।
Comments
.png)
.jpg)
.jpg)
