विनायकमा एसएलसी उत्तीर्ण विद्यार्थीहरूको सम्मान

ठिमी भक्तपुर। शिक्षाका माध्यमबाट संस्कार संस्कृतिक विविधता विनायकको आधार भन्ने मूल मन्त्रलाई मूर्त रूप दिँदै युगानुकूल स्तरीय वैज्ञानिक र प्रगतिशील सोचका आधारमा शिक्षाको उज्यालो ज्योति छर्दै सक्षम दक्ष र योग्य नागरिक तयार गर्ने कार्यमा उत्कृष्ट योगदान दिइरहेको राष्ट्रकै अग्रणी विद्यालय विनायक शिक्षा निकेतन इङ्लिस स्कुल मध्यपुर ठिमी भक्तपुरमा यही २०८० फागुन ५ गते मध्यपुर ब्याङ्क्विट पुरानो ठिमीमा एसएलसी २०७९ ब्याज उत्तीर्ण विद्यार्थीहरूको सम्मानमा विदाई तथा बधाई कार्यक्रमको आयोजना गरियो विद्यालय व्यवस्थापन समितिका अध्यक्ष तथा सांस्कृतिक अभियन्ता गणेशराम लाछीको सभापतित्वमा तथा सामाजिक विकास तथा पशुपंक्षी मन्त्री माननीय डाक्टर राजेन्द्रमान श्रेष्ठको प्रमुख अतिथ्यतामा सम्पन्न उक्त कार्यक्रममा मध्यपुर ठिमी नगरपालिका वडा नम्बर ६ का वडा अध्यक्ष ज्ञानदास प्रजापति मध्यपुर ठिमी शाखाका शिक्षा शाखा प्रमुख ज्ञानेन्द्र भट्ट हिसान भक्तपुरका अध्यक्ष अनिल कस्पाल तथा नेपालका राष्ट्रिय खेलाडी तथा कोच बालगोपाल र विद्यालयका सञ्चालक समितिका सल्लाहकार सदस्य कैलाश भक्त प्रधानाङ्ग अतिथिका रुपमा रहनुभएको थियो। विद्यालयका संस्थापक प्रिन्सिपल सुरेन्द्रविक्रम प्रजापतिले शब्दका माला पहिर्याएर सम्पूर्ण अतिथि लगायत उपस्थित महानुभावहरुलाई स्वागत गर्नुभएको उक्त कार्यक्रममा विनायक पहिलो विनायक आइडल २०८० अन्तर्गत नृत्य प्रतियोगिता आयोजना गरिएको थियो विद्यार्थीहरुद्वारा सांस्कृतिक कार्यक्रमको आयोजना गरी कार्यक्रमलाई भव्य र सभ्य रुपमा सफल बनाइएको उक्त कार्यक्रममा अतिथिहरुले संस्कृति संरक्षण र अतिरिक्त क्रियाकलापको क्षेत्रमा अब्बल विद्यार्थी निर्माण गर्न विनायकले दिएको योगदानको मुक्तकण्ठाले प्रशंसा गर्नुभयो भने प्रमुख अतिथि कृषि तथा पशुपंक्षीविकास मन्त्री माननीय डा. राजेन्द्रमान श्रेष्ठले शैक्षिक जगतको नायक तथा विसं २०६४ सालको नेपाल प्रथम विद्यालय तथा हरेक वर्ष यसी तथा एसएलसी परीक्षामा उत्कृष्ट अङ्क हासिल गर्न सफल देशकै नमुना विद्यालय विनायक बन्न सफल रहोस् भनी शुभकामना व्यक्त गर्नुभयो। कार्यक्रममा एसएलसी परीक्षा २०७९ मा उत्कृष्ट अङ्कका साथ उत्तीर्ण हुन सफल मेधावी छात्र लिजन निरौलालाई तुइकाजी तुइन माया स्मृति पुरस्कार नगद रु ५००० तथा सर्टिफिकेट र प्रमाणपत्र सहित सम्मान गरिएको कुरा विद्यालयका सहायक प्रिन्सिपल प्रेमप्रसाद निरौलाले हामीलाई जानकारी गराउनुभयो। विद्यालयकी शिक्षिका लक्ष्मी मानन्धर तथा ११ र १२ का संयोजक तुलसीहरी प्रजापतिले सञ्चालन गर्नुभएको उक्त कार्यक्रममा अतिरिक्त क्रियाकलाप तथा खेलकुदमा विजेता विद्यार्थीहरुलाई पुरस्कार वितरण समेत गरिएको थियो भने विनायक आइडलका विजेता विद्यार्थीहरुलाई समेत सम्मान गरिएको थियो।