सम्बन्ध
भदौ ४, २०८०, सोमबार | विहान ०६:५८ बजे | 70
डा इन्दुल केसी
प्रत्येक दिन झिसमिसेमै
एक आपसमा छुटिन्छन्
हस्याङ्–फस्याङ् पसिना पुछ्दै
युवती कार्यालयमा पुग्छे
युवक सडक नापि डुलिरहन्छ ।
थकित भई साँझमा
दुवै आफ्नो डेरामा फर्कन्छन्
एउटै साझा थालमा
स्वाद लिई–लिई खाना खान्छन्
एउटै खातमा प्रेमालाभ गरी
आनन्द सँग रात बिताउँछन् ।
प्रकृतिको नियम, मौसम परिवर्तन हुन्छ
आकाशमा कालो बादल मदारिन्छ
हावाहुरी, चट्याङ् पर्छ झरी वर्षा हुन्छ
लिभिङ् टुगेदरमा पहिरो जान्छ ।
पूराना साथी त्यागेर अलगिन्छ
नयाँ जीवन साथीको मिलन हुन्छ
मिलन र विछोदको यस्तै यो संसार रहेछ
दुईचार दिनको जवानी रहेछ
आफन्त नाता–गोता, जोडिन्छ टुटिन्छ
संसारको सम्बन्ध यस्तै रहेछ ।
+++
२०८०÷५÷३ गते
Comments
.png)
.jpg)
.jpg)
