दुर्घन्धित भक्तपुर, मौन जनप्रतिनिधि

दुर्घन्धित भक्तपुर, मौन जनप्रतिनिधि
आरती तिवारी
भक्तपुरको चागुनारायण नगरपालिकाबाट सङ्कलित फोहोरमैला उचित व्यवस्थापन हुन नसक्दा झौखेल नगर निकै दुर्घन्धित हुन थालेको छ । नगरबाट सङ्कलन भएको फोहोर जथाभावी बाटो, कुवा, नदी किनारमा फालिनुका साथै सार्बजनिक स्थानमा फोहोरको थुप्रो लाग्दा वातावरणमा प्रदुषण बढ्दै गएको छ । फोहोरकै कारण रोगकोसमेत प्रकोप फैलन थालेको स्थानियको गुनासो छ ।

नगरपालिका जस्तो संबेदनसिल निकायले देशको प्राकृतिक सम्पदा माथि खलन पर्ने गरी नदी किनारमा फोहोरको खाल्डो खनेको र बस्ती नजिकै खाल्डो बनाएको भन्दै स्थानिय बासिले आपत्ती जनाएका छन् । बस्ती नजिकै फोहोरको खाल्डो र यसले वातावरणमा पार्ने दीर्घकालीन असरको विषयमा स्थानियवासी नदीको किनारमा फोहोरको खाल्डो खनेकोप्रति आपत्ती व्यक्त गर्नुका साथै नदी किनारमा फोहोर फाल्न दिएका थिएनन् ।
स्थानियबासिले खाल्डो खन्नका लागि भएको बजेट ब्यर्थमा गएकाले उक्त  रकम तत्कालीन नगरपालिकाका प्रमुखबाट उठाउन पर्ने माग राखेका थिए । खाल्डो प्रयोगबिहीन भएको र खाल्डो बनाउन प्रयोग गरिएको रकम समेत हिनामिना भएको भन्ने आरोप स्थानियबासीले लागाएका थिए । नगरपालिकाको फोहोर व्यवस्थापनका  लागि गाडी व्यवस्थापन भएता पनि उक्त गाडी अहिले प्रयोगमा आएको छैन ।
फोहोर व्यवस्थापनका लागि बजेट विनियोजन भए पनि फोहोरको व्यवस्थापन गर्न नसकेको कुरा चागुनारायण नगरपालिकाका कार्यकारी अधिकृतले स्विकार गर्नुभएको छ । उहाले फोहोर व्यवस्थापनका लागि डम्पिङ क्षेत्रको खोजी तथा अवलोकन भइरहेको जानकारी दिनुभयो ।
झौखेलमा फोहोर व्यवस्थापनका लागि पटकपटक कुरा चल्दा डम्पिङ क्षेत्रको अभाव भन्दै नगरपालिका पन्छिदै आएको स्थानियवासी बताउछन् । नगरपालिका कार्यालयभित्र हुँदा फोहोर व्यवस्थापन भोलिबाट नै सुरु हुन्छ भने पनि हालसम्म फोहोर व्यवस्थापन गर्नतर्फ नगरपालिकाले कुनै कार्ययोजना नबनाएको स्थानियबासी बताउछन् ।