असल र इमानदार नेतृत्व तयार गर्न स्काउट तालिम आवश्यक
चैत १३, २०७९, सोमबार | विहान ११:५१ बजे | 0
सुनिल प्रजापति, प्रमुख भक्तपुर नगरपालिका
भक्तपुर नगरपालिकामा पनि नगर स्काउटको गठन भइसकेको छ । नगर स्काउटको संरक्षकमा नगर प्रमुख र अध्यक्षमा उपप्रमुख रहने व्यवस्था छ । नगर स्काउटको गठनपछि भक्तपुर नगरपालिका भित्रका सबै विद्यालयहरूमा स्काउट गठन गर्ने तयारी गर्दै छौं । भक्तपुर नगरमा हाल ९२ वटा विद्यालयहरु सञ्चालनमा छन् । यसअघि हामीले स्काउट प्रशिक्षकहरूलाई तालिम दिइसकेका छौं ।
असल, देशभक्त र इमानदार नागरिक तयार गर्ने हाम्रो उद्देश्य हो । आजका युवा–विद्यार्थीलाई राम्रो शिक्षा दिनुका साथै अनुशासित, इमानदार र नैतिकवान बनाउन सकेमात्रै भोलि देशले कुशल नेतृत्व पाउनेछ । देशको लागि असल र इमानदार नेतृत्व तयार गर्न स्काउट तालिमले मद्दत पु¥याउने हाम्रो विश्वास छ ।
संकटमा विचलित नभई संयमतापूर्वक काम गर्ने, सँधै अरुको भलाइको निम्ति चिन्तन गर्ने र स्वयम्सेवी भावनाले काम गर्ने नै स्काउटको महत्वपूर्ण पक्ष हो । यस कुरालाई ध्यानमा राखी भक्तपुर नगरपालिकाले स्काउटका साथीहरूसँग समय—समयमा छलफल र अन्तरक्रिया गर्दै काम गर्दै आएको छ ।
विश्वव्यापी रुपमा फैलिएको कोरोना महामारीको बेला भक्तपुर नगरपालिकामा यहाँका स्काउटका मित्रहरूले गरेको काम उल्लेखनीय छ । नगरपालिकाको आह्वानमा भएको सरसफाइ, प्रचारप्रसार एवम् संक्रमितहरूको घरघरमा गएर औषधी वितरण, खाना पु¥याउने काममा उहा“हरुले सहयोग गर्नुभयो । आफ्नो ज्यानलाई भन्दा अरुको ज्यान जोगाउन मद्दत गर्नुभयो । त्यो काम अत्यन्त प्रशंसनीय छ । चाडपर्व जात्राको बेला भक्तपुर स्काउटले निरन्तर सहयोग गर्दै आएको यहा“हरुलाई जानकारी गराउन चाहन्छौं ।
भक्तपुर देशकै सानो नगरपालिका हो । तर यहा“ विश्व सम्पदा सूचिमा सूचिकृत दरबार क्षेत्र अवस्थित छ । नेपालकै अग्लो प्रसिद्ध ५ तल्ले मन्दिर, ५५ झ्याले दरबार, सुनढोका, मयुर झ्याल वास्तुकलाका दृष्टिले उत्कृष्ट नमुनाहरू यहाँ छन् । आज यहाँहरुले त्यसको अवलोकन गर्नुहुनेछ । दरबार क्षेत्र, टौमढी र दत्तात्रय क्षेत्र पर्यटकीय दृष्टिले अत्यन्त महत्वपूर्ण स्थानहरू हुन् । यहाँ वर्षको लाखौं पर्यटकहरूले भ्रमण गर्छन् । उहाँहरूले तिर्नुभएको पर्यटन शुल्कबाट सम्पदाहरूको संरक्षण, शिक्षा, स्वास्थ्य, सरसफाइलगायत विकास निर्माणको काममा खर्च गर्दै आएका छौं ।
नगरपालिकाले आफ्नै स्वामित्वमा ८ वटा कलेज, १०० शैय्याको ख्वप अस्पताल सञ्चालन गर्दै आएको छ । वडा वडामा स्वास्थ्य केन्द्र, घरघरमा नर्स सेवा, सबैको लागि उच्च शिक्षाको अवसर प्रदान गर्न शैक्षिक ऋण प्रदान गर्दै शिक्षा र स्वास्थ्यमा देशको उत्कृष्ट सेवा दिने नगरपालिकाको रुपमा विकास गर्दैछौं । इमानदारीपूर्वक जनताको सेवा गर्ने नै हामी जनप्रतिनिधिहरुको साझा प्रतिबद्धता हो ।
मौलिक सीप र प्रविधिलाई जोगाउँदै पुरातात्विक, सांस्कृतिक र ऐतिहासिक महत्वका क्षेत्रहरूको अध्ययन, अनुसन्धान र उत्खनन् गर्दै प्राचीन भक्तपुर नगरको सम्पदाहरूलाई जीवन्त राख्ने प्रयास गर्दै आएका छौं । यहा“का मूर्त र अमूर्त कला–संस्कृतिको संरक्षण हाम्रो प्राथमिकताको विषय हो । हामी आत्मनिर्भरतालाई विश्वास गर्छौं र त्यसैअनुरुप काम गर्दैछौं ।
हामी नेपाल मजदुर किसान पार्टीबाट निर्वाचित प्रतिनिधिहरू हौ । नेपाल मजदुर किसान पार्टी वैज्ञानिक समाजवादमा विश्वास गर्ने पार्टी हो । यस पार्टीको नेतृत्व नेपालका वरिष्ठ राजनीतिज्ञ का. नारायणमान बिजुक्छेँ (रोहित) ले गर्दै आउनुभएको छ । भक्तपुर नगरमा १० वटा वडाहरु छन् । ती सबै वडामा नेपाल मजदुर किसान पार्टीका साथीहरू निर्वाचित भएका छौं । पार्टी अध्यक्ष का. रोहितले भक्तपुरको भविष्यको बारे कल्पना गर्दै ‘१०० वर्षपछिको भक्तपुर’ पुस्तक लेख्नुभएको छ । आजभन्दा २० वर्षअघि लेख्नुभएको उक्त पुस्तकमा उहाँले यो नगर ‘बिहान हेर्दा प्राचीन सहर जस्तो, दिउँसो विश्वविद्यालय जस्तो र राती प्राचीन लुगा लगाएको सुन्दरी जस्तो देखिने र विश्वकै आकर्षक नगर बन्ने’ कल्पना गर्नुभएको छ । हामी यही पुस्तकलाई आधार बनाउँदै भक्तपुर नगरको पुनःनिर्माण गर्दैछौं । प्राचीन नगरको स्वरुपलाई बचाइ राख्ने कोसिस गर्दछौं ।
आज भक्तपुरका महत्वपूर्ण क्षेत्रहरूको अध्ययन, अवलोकन गरेर रमाइलो गर्नुहोस् । तपाईंहरूको दिन सुखी रहोस् । कुनै असहज भएमा हाम्रा साथीहरूले तपाईंहरूलाई सहयोग गर्नुहुनेछ । पछि फेरि भेट्ने आशाका साथ पुनः स्वागत गर्छु । धन्यवाद ।
(नेपाल स्काउटको आयोजनामा भएको छैटौं एसिया प्रशान्त क्षेत्रीय मेसेन्जर अफ पिस राष्ट्रिय संयोजकहरूको सम्मेलनमा भाग लिन विभिन्न देशबाट आउनुभएका स्काउट प्रतिनिधिहरूलाई स्वागत कार्यक्रममा भक्तपुर नगरपालिकाका प्रमुख सुनिल प्रजापतिद्वारा व्यक्त मन्तव्य)
Comments
.jpg)
.jpeg)
.jpeg)
