भाद्र ९(कालो दिन)

रामकृष्ण प्रजापति
२०४५ साल भाद्रको महिना थियो । साउन भाद्र झरी हुने समय थियो । त्यस झरीसंगै भुकम्पको सम्भावना पनि थियो । नभन्दै भाद्र ५ गते भुकम्प गयो । भुकम्पले भक्तपुरमा चार पाँच जना मानिसहरुको दुखद निधन भयो । धेरैको घर भत्केको र चर्केको थियो । त्यस्तो दुखद स्थितिमा सबैले राहतको आशा गरिरहेको थियो । सरकारले राहत वितरण गरेको थिएन ।
भाद्र ९ गते आकाशमा काला काला बादलले ढोकेको थियो । विहान नित्यकर्म सिध्याएर स्कूलबाट दिएको गृह कार्य सुरु गर्यो । बिहान ९ः०० बजे खाना खाएर त्यसपछि सूर्यको सुनौलो किरण धामको ज्योति संगसंगै माटोका भाँडा सुकाउँदै थियो । त्यसपछि दुईचार जना मान्छेहरु चामल चोर आयो चामल चोर आयो भन्दै गछें चोफलबाट च्याम्हासिंह तिर दगु¥यो । भाँडा सुकाई रहेकाको कानको ईन्द्रेणी ठाडो ठाडो भयो । ईन्दे्रणीले दिएको चामल चोरको स्वरसंगै हेर्न जान उत्सुकता जाग्यो । त्यसपछि भाँडा सुकाउने काम छोडेर च्याम्हासिंह तिर दगु¥यो । त्यहाँ एउटा घरमा धेरै मान्छे चामल चोरलाई निकाल भनि उक्त घर घेरी राखेको थियो । मान्छेको हुलले घेरेपछि घरपट्टिले उक्त चामल चोर भन्ने व्यक्तिलाई निकाल्यो । हुलले घेरी राखेकोले ७ कक्षा पढ्ने १३ बर्षको बालकले चामल चोरको नाकमुख पनि देखेन । को होला ? भनेर मनमा कौतुहलता मेटाउन उ पनि हुलसंगसंगै हिड्यो । सूर्यमढी पुगेपछि कसै–कसैले जुत्ताको माला लगाई दिएको जस्तो देखियो तर सानो बालकले के देख्नु ? त्यसपछि दत्तात्रय हुँदै इनाचो पुग्दा उ पनि हुलमा छिर्यो र हेर्यो । त्यतिवेला पनि चिन्न सकेन । सुकुलढोका पुग्दा पुलिस भ्यान आयो । चामल चोरलाई पुलिसले कब्जा लिनमा खोज्यो । त्यहाँ हुलले र पुलिसले सामान्य तानातान र सामान्य झडप समेत भयो । पुलिस भ्यानमा राखेकोलाई फेरी निकाल्यो र हुलमा छोडिदियो । त्यहाँ निर पुग्दा अर्को एक जना पनि भिडले समातेर ल्याएको मान्छे देखें । जसको जीउ पुरै नाङ्गै थियो । सबैले कटुमरु कटुमरु भन्यो । कटुमरुलाई बच्चाहरुको झुण्डले तानेर लग्दै थियो । साकोठा जाने बाटो निर पुग्दा पुलिस फोर्स आएर जथाभावी लाठ्ठी चार्ज गर्यो । भिड तितर वितर भयो । तिनीहरु दुवैलाई पुलिस भ्यानमा राखेर लाग्यो ।

    त्यो कुराहरु चोफल चोकमा जम्मा भएकाहरुबाट थाहा पायो । साँझ पर्न थाले पछि घर जाँदा पञ्च भन्ने बालकृष्ण भेट्यो । अघि जुलुस तँ पनि गएको तँलाई पुलिसले समात्न लगाउँछु  र पिट्छु  भनेर अवोध बालकलाई डरधम्कि दियो । तर बालकलाई त्यो घटना प्रति खासै चासो नभएको र त्यसले के असर गर्छ थाहा नभएकोले उसले सक्छ भने गर भनेर जवाफ दियो । दाईको घरमा खाजा पसल थियो । त्यहाँ जुठो भाँडा माझि खाजा खाई सकेपछि बेलुका ८ः०० बजे तिर इन्स्पेक्टर(प्रहरी निरिक्षक) अर्जुनजंग शाही सहित आएको पुलिस भ्यानबाट पुलिस ओर्लेर पसल भित्र छिरेर साले ज्यापु हो अहिलेसम्म के गफ गरिराखेको घर जान्छस् कि भ्यानमा राखौं । खाजा खाई रहेको सबै ग्राहकहरु खुरु खुरु बाहिर गयो र दाईलाई जथानाम गाली गरेर पसल बन्द गरायो । ती बालकलाई पञ्चहरु सामन्ति स्वभावको हुने र प्रहरीहरु तानाशाही हुन्छ भने कुरा चाहीँ विद्यालयमा नै थाहा पाएका थियो । पुलिसको व्यवहार त्यस्तै हुने होनि भनेर खाना खाएर सुत्न गायो ।
१) चुनावको रिस
२) रोहित समुहबाट छुटेको
३) रोहितले झ्यालबाट ठोकमार भनेको
४) बयानमा साबित भएको(प्रहरी कष्टडि भित्र जबरजस्ती सहि गराई)
माथिको आरोप निराधर छ ।
१) २०४३ सालको मत हेर्यो भन्ने ह्योजूको उम्मेदवार उत्तम बहादुर पाँचौं स्थानमा पर्छ र बहुदवादी अर्को पार्टीहरु प्रमुख प्रतिपक्ष भएर आएको थियो । निकटम प्रतिद्धन्दीलाई प्रहार नगरी पाँचौं स्थानकोलाई बदलालिनु पर्ने देखिन्दैन । त्यसैले यो आरोप पूर्ण त गलत छ ।
२) ह्योजू नेपाल कम्युनिष्ट पार्टीबाट छुटेर पञ्च बन्नेहरुको लामो सूचिमा कर्ण ह्योजू पहिलो व्यक्ति होइन त्यसैले त्यो आरोप निराधार छ ।
४) प्रहरी हिरासतमा राखेर गराएको बयान सबै साविति भएको भन्ने आधारमा अभियोग लागेको भनेकोमा भारतका जनमोर्चाका नेता डा.संजय सिंहको भनाई उद्धृत गर्नु सान्र्दभिक देखिन्छ । डा.संजय सिंहलाई मोदी हत्याकाण्डमा पक्राउ गरेपछि भन्नुभएको थियो । “राजिव गान्धीलाई एक दिनको लागि मलाई देऊ म उनको दस्तखत भएको बयान ल्याई दिन्छु कि उनले आफ्नो आमाको हत्या गरेको हो” त्यसैले पुलिस कष्टडी भित्र कुटपिट गरी गराएको बयान साविति भएको मानिन्दैन । यो आरोप गलत छ ।
    असत्य कहिल्यै टिक्दैन सत्य कहिल्यै डग्दैन भने झैं भक्तपुर काण्डको षडयन्त्रले गर्दा २०४६ सालको जनआन्दोलन छिट्टै उठे । तीस बर्षे पञ्चायती व्यवस्थाको अन्त्य भयो । भक्तपुर काण्डले पञ्चायतको अन्त्य भयो । नेमकिपा सिध्याउन खोज्ने पञ्चायत आफैँ सकियो । जनताको अजय शक्तिलाई धाल्न खोज्ने पञ्चायत आफै ढल्यो । ती अबोध बालक यति कुरा थाहा पाए पछि देश र जनताको सेवामा समर्पित भई सत्यको निम्ति रातो झण्डा उचाली संघर्षको मैदानमा अगाडि बढ्ने अठोत गरे । भाद्र ९(कालो दिन)को षडयन्त्र फेरी फेरी पनि हुन सक्ने भएकोले भावि पुस्तालाई सचेत गर्दै मुक्तिको बाटोमा हिड्यो । धन्यवाद ।