सामाजिक सुरक्षा कोषया भूमिका विषयय् अन्तक्र्रिया

सामाजिक संरक्षणया दीगोपनाया लागिं सामाजिक सुरक्षाया भूमिका विषयय् अन्तक्र्रिया ज्याझ्वः जुल । तराई विकास तथा सञ्चार केन्द्र नेपालया ग्वसालय् उगु अन्तक्र्रिया ज्याझ्वः जूगु खः । ज्याभ्वलय् श्रम रोजगार तथा सामाजिक सुरक्षा मन्त्री शेरबहादुर कुँवरं आः राज्यसत्ता पुरातन ढंगं चले जुइ मफइगु खँ कनादिसें ३ लाखम्ह योगदानकर्तां सामाजिक सुरक्षा कोषय् नां दर्ता यानाः योगदान यानाच्वंगु खँ कनादिल । श्रम मन्त्रालयया सचिव एकनारायण अर्यालं गुलि गुलि श्रम ऐन कार्यान्वयन जुइ उलि सामाजिक संरक्षणया प्रभाव अप्वइगु कनादिल ।
    ज्याझ्वःया विशेष पाहां प्रेस काउन्सिलया अध्यक्ष बालकृष्ण बस्नेतं पत्रकारतय्त नं सामाजिक सुरक्षा कोषय् संलग्न यायेत थीथी कथंया तयारी जुयाच्वंगु खँ कनादिल । सूचना तथा प्रशारण विभागया महानिर्देशक गगन बहादुर हमालं न्यूनतम पारिश्रमिक तकं काये मखनाच्वंपिं पत्रकारतय्त आः न्यूनतम पारिश्रमिक निर्धारण समितिं बिउगु प्रतिवेदनया लिधंसाय् पारिश्रमिक बिइकेत मन्त्रालयं तयारी यानाच्वंगु खँ कनादिल । ज्याझ्वलय् केन्द्रया अध्यक्ष गोबिन्द चौलागाईं, सामाजिक सुरक्षा कोषया कार्यकारी निर्देशक कपिलमणि ज्ञवाली, यलया प्रमुख जिल्ला अधिकारी घनश्याम उपाध्याय, राष्टिय परिचयपत्र विभागया महानिर्देशक तीर्थराज भट्टराईपिसं थः थःगु नुगः खँ कनादीगु खः ।