भक्तपुर जिल्ला मानन्धर युवा संघले न्हुम अध्यक्ष निर्वाचित

भक्तपुर । भक्तपुर जिल्ला मानन्धर युवा संघया खुक्वगु दँ मूंज्याः व निक्वगु न्हुँधाः च्वङा गणेद्यःथाय् सल्लाघारी ख्वपय् जुल । बागमती प्रदेशका उर्जा, सिंचाइ व खानेपानी मन्त्री वसन्त मानन्धरया मूःपाहाँ सुई क्वचाल ।
मन्त्री वसन्त मानन्धरजुं दक्व मानन्धरपिं एककृत जुसा जक झिगु हकअधिकार काय फैगु नापं थ त्वनेगु लःया व्यवस्थापनय् थमं फयाथें मेहनत याना च्वनागु धया दिल । अथेहे विशेष पाहाँ गैरन्यायिक संघर्ष समितिया अध्यक्ष व काठमाडौंका मेयर पदया उमेदवार सुमन सायमीं झिगु भूमि,कला, सम्पदा रक्षाया लागि संघर्ष यानातु वनेमागु छन्हु आजु पुवनि धया दिल लक्ष पुवंकेत सकसित ग्वाहालि बियादित ईनाप नं याना दिल ।
संस्कृतिविद् रत्न सायमीं छगु स्थल तया पुलांपलांगु शिलापौया किपात ब्वया नापं संस्कृती नापं स्वापुदुगु सफूत ब्वया ( प्रदर्शन ) नापं बिक्रीवितरणया लागि तगु जुल, वयेकलं कला, संस्कृति, लवाईखुवाई, बाजागाजा, भाषा संरक्षण याय् मागु धया दिल । भक्तपुर उद्योग व्यवसायी संघया अध्यक्ष शिवप्रसाद मानन्धरं सकसिनं उद्योग व्यवसाय याना आर्थिक रूपं बलाका वनेमागु धया दिल । ज्याझ्वःय् संघया सचिब ज्ञानेन्द्र मानन्धरं वार्षिक प्रतिवेदन व कोषाध्यक्ष बर्तराम मानन्धरं आर्थिक प्रतिवेदन प्रस्तुत याना दिल ।
अध्यक्ष न्हुछेरत्न मानन्धरया सभापतित्वय् लसकुस नापं संघया उदेश्यबारे कनादिल । अथेहे उपाध्यक्ष बाबुकाजी मानन्धरं सुभाय् न्वचु तया दिल । ज्याझ्वःय् पुलांसः बासुरी बाजा खलः तेखाचो,ख्वप पाखें राष्ट्रिय धुन,मंगल धुन बांलागु बासुरी धुन पुया न्यंकुगु जुल ।
अधिवक्ता रामकृष्ण मानन्धरया संयोजकत्वय् गठित निर्वाचन कमितिं बाबुकाजी मानन्धर अध्यक्षताय २१ सदस्यीय कार्यसमिति निर्विरोध निर्वाचित जुगु जुल । औपचारिक ज्याझ्वः लिपा अनौपचारिक कार्यक्रम अन्तर्गत गीत, तृत्य, ख्यालिकु नापं साँस्कृतिक  ज्याझ्वः नं जुगुजुल ।