छोरी बुहारी समूह ब्यासीबाट नव बर्ष २०७९ को शुभकामना आदानप्रदान सम्पन्न

भक्तपुर । छोरी बुहारी समूह ब्यासीको आयोजनामा आज दिदी बहिनीहरु  बीच नयाँ बर्ष २०७९ को  अबसर पारी  शुभकामना आदानप्रदान यथा चियापान  कार्यक्रम आयोजना गरियो । कार्यक्रममा प्रमुख अतिथि  भक्तपुर नपा २ वडाका  अध्यक्ष हरिप्रसाद बासु कलाले  बिकास निर्माणबारे  चर्चा गर्दै भक्तपुर नगरपालिका नमूना नगरको रुपमा बिकास भैरहेको  बताउनुभयो । उहाँले शहरको ब्यबस्थित बिकासको लागि देको ,मिबा इतापाखे जग्गा आबास  योजना भक्तपुर नगरपालिकाले  संचालन गरेको हो , नाफाको लागि होइन भन्दै नयाँ बर्षको  शुभकामना ब्यक्त गर्नु भयो । । समाजसेवी तथा सल्लाहकार गणेश प्रसाद सुवालले आर्थिक समस्या समाधानको लागि बचत कार्यक्रम संचालन गर्नु राम्रो हो ।छोरी बुहारी समूहले सदस्यको हित र रोजगारीको निम्ति तालिम पनि आयोजना गर्नु पर्छ भन्नु भयो । छोरी बुहारी समूहका सल्लाहकार एवं ख्वप साकोसका अध्यक्ष राजकुमार लघुले बचत गर्नै बानीको विकासले आपतमा सहयोग पुग्छ ।बचतको साथै समय समयमा समसामयिक बिषयमा गोष्ठी तथा कार्यक्रम आयोजना गर्न आबश्यक छ । स्वास्थ्य सबैभन्दा ठूलो धन हो , स्वास्थ्य शिविरहरु पनि संचालन गर्नु पर्छ भन्नु भयो ।  छोरी बुहारी समूहका अध्यक्ष धर्म लक्ष्मी लघुको सभापतित्वमा सम्पन्न कार्यक्रममा सदस्यहरू बबी मैया लघु र रोशन मैया सुवालले बचतको  महत्व माथि प्रकाश पार्दै नव बर्ष २०७९ को अवसरमा   सदस्यहरुको  सु(स्वास्थ्य र प्रगतिको हार्दिक मंगलमय शुभकामना व्यक्त गर्नुभएको थियो ।