विप्लवया दल चुनावय् मवनीगु, सशस्त्र गतिविधिया धम्की

कृष्ण प्रजापति
नेत्रविक्रम चन्द विप्लव नेतृत्वया नेपाल कम्युनिष्ट पार्टी चुनावय् सहभागी मजुइगु जूगु दु । विप्लवं संसदीय व्यवस्था व संविधान स्वीकार यानाः दल दर्ता यानाः चुनावय् सामेल जुइगु कल्पना तकं मयायेत धाःगु दु ।
    कपिलवस्तुइ विप्लवया दलया बैठक न्ह्यानाच्वंगु इलय् उगु दलया ख्वाःपौ ईरातोे खबरं सम्पादकीयपाखें चुनावय् सहभागी मजुइगु स्पष्ट याःगु खःः । सम्पादकीयस धयातःगु दु, ‘नेपाल कम्युनिष्ट पार्टी देस, जनता व क्रान्तिया भविष्य गालय् लाकाः थ्व असफल व बदनााम संसदीय व्यवस्था व उकिया संविधान स्वीकार यानाः दल दर्ता याकाः संसदीय व्यवस्थाय् हे विलय जुइगु कथं चुुनालय् सामल जुइ व थःपिनिगु क्रान्तिकारी विरासत समाप्त जुइगु ध्वंसात्मक निर्णय याानाः लिहाँ वइ धैैगु कल्पना नं मयायेगु बांलाः जुइ ।’ अय्सां, विप्लव नेतृत्वया नेपाल कम्युनिष्ट पार्टी दुुने चुनावय् वनेगु विषय ब्वलंगु स्वीकार याःगु दु । उगु दलया बैठक न्ह्यानाच्वंगु इलय् चुनावय् सहभागी जुइगु विषय ब्वलंगु चर्चा न्ह्यानाच्वंगु इलय् सम्पादकीयपाखें आधिकारिक धारणा वःगु दु । थ्वसिबें  न्ह्यःः विप्लवं रोतोखबर लेखपाखें सशस्त्र क्रान्ति यायेगुु च्वःगु दु । वं सशस्त्र क्रान्तिया आवश्यकता दूगु धासें प्रचण्ड व बाबुराम भट्टराईया जीवनकालय् सशस्त्र क्रान्ति यानाः क्यनेत न्ह्यथंगुु खः ।