प्रदिप्त पुस्तकालयस साहित्य व संगीत ब्वज्या जुल

कृष्ण प्रजापति
‘गुगुं नं मांभाय् तना वनिइगुलिइ जितः दुःख ताः । छाय्धाःसा मांभाय् राष्ट्रया बंशावली खः ।’
थ्व धापू नांजाःम्ह इंग्लिस साहित्यकार सामिउयल उल्सनया खः । थ्वहे धापूयात उजागर यासें येँया केलत्वाःया सकल नेपाःमिपिनिगु ग्वसालय् थौं २१ फेब्रुअरी २०२२ या हलिं मांभाय् हना दिं (अन्तर्राष्ट्रिय मातृभाषा दिवस)या लसताय् नेपालभाषा साहित्य व म्ये ब्वज्या ज्याझ्वः ग्वसाः ग्वःगु दु । हलिं मांभाय् हना दिंया लसताय् थौं ने.सं. ११४२ सिल्लागा पंचमि (२०७८ फागुन ९ गते) फेब्रुअरी २१ सोमवाःया दिं येँया प्रदिप्त पुस्तकालयया सभाकक्षय् न्हिनसिया ४ ता इलय् उगु नेपालभाषा साहित्य व म्ये ब्वज्या ज्याझ्वः जुइगु जानकारी ग्वसाः खलः केलत्वाःया सकल नेपाःमिपिंया दुजः पवित्र कसाः नं बियादीगु दु ।
    उगु ज्याझ्वलय् लोककवि राजभाई जकःमि, शशिकला मानन्धर, शरद कसाः, सुरेन्द्र मानन्धर, रेखा शाक्य, रामेश्वर मिश्रण श्रेष्ठ, विजयरत्न असंबरे, मिना बज्राचार्य, राजा बज्राचार्य, ज्ञानिराजा मानन्धर, रामगोपाल आशुतोष, विमलप्रभा बज्राचार्य, नरेश अमात्य, विमला मानन्धर, सजगता मानन्धर, दिब्या ताम्राकार, रमेश मानन्धर, आयुष्का साही, रविना श्रेष्ठ, सचेतना मानन्धर, रेशु श्रेष्ठ इत्यादी पुलांपिं न्हूपिं साहित्यकारपिन्सं साहित्य ब्वज्या याइगु ज्याझ्वः तयातःगु दु । अथेहे, सलिलसुन्दर तुलाधर, सोनिका मानन्धर, गंगा महर्जन, सुमित्रा महर्जन, निभाः डंगोल, मचाराजा महर्जन, कर्ण बज्राचार्यपिन्सं सांगितिक ब्वज्या न्ह्यब्वइगु ज्याझ्वः तयातःगु दु । ग्वसाः खलः केलत्वाःया सकल नेपाःमिपिंपाखें सकलसित इलय् उपस्थित जुइत इनाप याःगु दु ।