एमसीसी न्ह्यःने यंकी धकाः देउवा व प्रचण्डयात अमेरिकाया पौ

कृष्ण प्रजापति
प्रधानमन्त्री शेरबहादुर देउवा व नेकपा माओवादी केन्द्रया नायः पुष्पकमल दाहाल प्रचण्डपाखें एमसीसी मुख्यालययात २९ सेप्टेम्बरय् पौ छ्वयाहःगु खुलासा जूगु दु । पतिइ देउवा व प्रचण्डं एमसीसी पारित यायेगु प्रतिबद्धता तकं याःगु न्ह्यथनातःगु दु । अमेरिकां उगु पतिइ ‘आः प्रतिबद्धता कथं एमसीसी न्ह्यःने यंकी’ धकाः प्रचण्ड व देउवायात आह्वान यानातःगु दु । एमसीसी मुख्यालयं हे २९ सेप्टेम्बरय् प्यला या न्यालाया दुने एमसीसी पारित यायेत ई ब्यूगु धासें देउवा व प्रचण्डं पौ छ्वयाहःगु खुलस्त याःगु खः । थ्वहे आधारय् एमसीसी २८ फेब्रुअरीयात समयसीमा बियाः क्वचायेकेत धाःगु दु । थ्वसिबें न्ह्यः देउवां बेलायत भ्रमणपाखें लिहाँ वयाः प्रचण्डलिसें थःम्हं पौ छ्वयागु खुलासा याःगु खः । प्रचण्डं धाःसा एमसीसी पारित यायेगु बारे न्ह्यमथनागु अभिव्यक्ति बिसें खण्डन याःगु खः । तर, एमसीसीं हे पारित यायेत न्यालाया समयसीमा माग याःगु न्ह्यथंगु दु ।