नेपालभाषा एकेदेमि व नेवाः देय् दबू नं लक्ष्मीदास लुमंकल
माघ २२, २०७८, शनिबार | दिउँसो ०२:५१ बजे | 40
कृष्ण प्रजापति
भाषासेवी, धर्मसेवी, उद्योगपति, नेवाः न्ह्यलुवाः लक्ष्मीदास मानन्धर मदुगु १३ न्हुया पुण्यतिथिइ नेपालभाषा एकेदेमि व नेवाः देय् दबू नं जूम एपपाखें श्रद्धाञ्जलि ज्याझ्वः याःगु दु ।
नेपालभाषा एकेदेमिया सदस्य सचिव मल्ल के सुन्दर, न्हूदँ समारोह समिति ११४२ या नायः निरञ्जनरत्न शाक्यलिसें थीथी हनेबहःपिन्सं मदुम्ह मानन्धरया योगदानयात कयाः नुगःखँ तयादीगु खः । मदुम्ह मानन्धर नेपालभाषा एकेदेमिया संस्थापक दुजः व पुलांम्ह आर्थिक संयोजनया कजि खः । अथेहे, नेवाः देय् दबूपाखें नं जूम एपपाखें १३ न्हुया पुण्यतिथिइ श्रद्धाञ्जलि सभा याःगु दु । उगु ज्याझ्वलय् देय् दबूया नायः नरेश ताम्राकारलिसें थीथी व्यक्तिपिन्सं मदुम्ह मानन्धरयात श्रद्धाञ्जलि देछासें वय्कःया योगदानयात कयाः नुगःखँ प्वंकूगु खः । ज्याझ्वः वंगु मंगलवाः मदुम्ह मानन्धरया १३ न्हुया पुण्यतिथिस जूगु खः ।
Comments
