बालाजु बाईपासय् सडक बिस्तारं पीडितपिनिगु प्रदर्शन
माघ १८, २०७८, मङ्गलबार | विहान ०४:२७ बजे | 70
कृष्ण प्रजापति
बालाजु बाईपासय् सतक विस्तारया नामय् विस्थापित जूपिं ३९ गू छेजःपिन्सं थःपिन्त पुनःस्थापना यायेमाःगु माग यासें आन्दोलन न्ह्याकूगु दु । पीडित आन्दोलनकारीपिन्सं थःपिनिगु न्हापा दूगु छेँया लागाय् च्वनाः म्हिगः आइतवाःनिसें विरोध प्रदर्शन यानाः वयाच्वंगु दु ।
संघर्ष समिति नीस्वनाः न्ह्याकूगु उगु आन्दोलनय् विरोध याःपिन्सं थःपिन्त उचित बसोबासया व्यवस्था यायेमाःगु माग न्ह्यब्वयातःगु प्लेकार्ड ज्वनाः प्रदर्शन याःगु खः । सर्वोच्च अदालतं छेँ थुंगु थासय् छुं नं कथंया संरचना दयेकेमते धकाः अन्तरिम आदेश जारी याःगु खःसा सरकारं अन सुचना केन्द्रलिसें थीथी ज्याकू तयेगु नितिं निर्माणया ज्या न्ह्याकाच्वंगु द्वपं आन्दोलनकारीपिन्सं ब्यूगु दु ।
Comments
