कृष्ण प्रजापति
थुगु दँया झिंनिक्वःगु नेवाः एकता दिवस किपुली तःजिक न्यायेकूगु दु । नेवाः देय् दबूया संयोजनय् थीथी भाषिक, जातीय खलः पुचःया उपस्थितिइ थुगु झिंनिक्वःगु नेवाः एकता दिवस किपुली न्यायेकूगु खः । किपूया न्हूबजाःया ध्वाखाय् मुनाः जुलुसलिसें किपूया पांगाया लाछीइ थ्यंकाः सभा जूगु खः । सभा नेवाः देय् दबूया केन्द्रीय नायः नरेश ताम्राकारया सभानायःसुइ न्ह्याःगु खः । ज्याझ्वलय् सभानायः नरेश ताम्राकारं लसकुस न्वचू बियादीगु खः । लसकुस न्वचूया झ्वलय् नेवाः समुदाय दुने जातीय विविधतालिसें धार्मिक, सामाजिक विविधता जाःगु खँ न्ह्यथनादिसें ताम्राकारं नेवाः समुदाय राष्ट्रया छगू उच्च समुदाय जूगु विचाः प्वंकादीगु खः ।

...

All Comments.......


Please Login/Register To Comments