निर्मला पन्त हत्या प्रकरणलिसे स्वःम्ह भारतीय नागरिक द्वःछि तका धरौटी बिया पिहाँ वल

कृष्ण प्रजापति
कञ्चनपुरया १३ दँ दुम्ह मिसामचा निर्मला पन्त बलात्कार लिपा हत्या प्रकरणय् स्वानाः प्रहरी अनुसन्धान यानाच्वंम्ह भारतीय नागरिक धरौटी पुलाः पिहाँ वःगु दु । जिल्ला प्रशासन ज्याकुथि कञ्चनपुरं शुक्रवाः अभ्रद व्यवहार मुद्दा चलेयाःम्ह भारतीय नागरिक अली हुसेनयात द्वःछि तका दां धरौरीइ त्वःतूगु खः ।
कञ्चनपुरया प्रमुख जिल्ला अधिकारी रामप्रसाद पाण्डें धाःगु दु, ‘जिमिथाय् हुसेनं प्रहरीयात अभद्र व्यवहार याःगु धैगु मुद्दा वःगु खः । कानूनी प्रावधान कथं हुसेन द्वःछि तका दां धरौटीइ पिहाँ वंगु दु ।’ प्रजिअ पाण्डें हुसेनविरुद्ध जिल्ला प्रहरी ज्याकुथिं प्रहरी कर्मचारीपिन्त अभद्र व्यवहार याःगु धासें मुद्दा चलेयानागु धासें निर्मला पन्त प्रकणलिसे सम्बन्धित जू मजूगु थःत जानकारी मदुगु प्रतिक्रिया ब्यूगु दु । तर कञ्चनपुर प्रहरीं वयात निर्मला हत्या प्रकरणया अनुसन्धानया नितिं धासें नियन्त्रणय् काःगु खः । वया डिएनए तकं परीक्षणया नितिं छ्वःगु खः । अय्सां प्रहरीं धाःसा उगु विषयस आधिकारिक रुपं न्वःवाःगु मदुनि ।