किपुली वइगु शनिवाः पुस १७ गते ‘योमरी महोत्सव’ जुइगु
पुष १३, २०७८, मङ्गलबार | दिउँसो १२:५८ बजे | 35
‘समाज व राष्ट्र विकासय् उद्यमशिलताया आवश्यकता ः बृहत्तर रुपं मिसापिनिगु सहभागिता’ नारा थ्वयेकाः किपू नगरपालिका ३ वडाय् च्वंगु महिला संजाल किपू ३ या ग्वसालय् तःजिक ‘योमरी नखः’ (योमरी महोत्सव) जुइगु जूगु दु । थ्वहे वइगु ने.सं. ११४२ थिंलागा चःह्रे (२०७८ पुस १७ गते) शनिवाः किपू ३ वडा खासीबजारय् च्वंगु पुलिस चौकी ल्यूने महिला संजाल पसलय् उगु योमरी नखः जुइगु जानकारी ग्वसाः खलः महिला संजाल किपू ३ पाखें ब्यूगु दु । ग्वसाः खलः महिला संजाल किपू ३ पाखें उगु योमरी नखतय् सकलसित सहभागिताया नितिं इनाप याःगु दु ।
Comments
