अब घर फर्केर फुलबुट्टे सारीमा टिकटक बनाउँछु ः निरबहादुर तामाङ

उज्ज्वल ह्योंगोजु

उनी परिवारलाई गाउँमै छोडेर आएका रहेछन् । उनको परिवारमा आमा, श्रीमती अनि छोरा भएको कुरा बताउँदै बेलाबेला परिवारको याद आउने कुरा सुनाए उनले । परिवारसँग टाढा बस्दा उनी कमजोर नहुने तर मोबाइलमा कुरा गरेर न्यास्रो मेटाउने कुरा उनले बताए । उनले भने “अब गाउँ जाँदा आमालाई उपहार, जीवन साथीलाई सरी अनि छोरो्लाई लुगा उपहार लागेर खुसी बनाउँछु । हाँस्दै उनले त्यसमा थपे “अनि गाउँ गएसी फुलबुट्टे सारी गीतमा टिकटक बनाउँछु ।
उनको कुरा सुन्दा लाग्यो बाध्यताको आगाडि रहरको केही पनि नलाग्ने रहेछ । उनी दिनको करीब एक हजार पाँंच सय वटा जति इट्टा बनाउँछन् । महिनामा कमाएको पैसाले थोरै यता आफू बस्ने ठाउँमा रासन पनि किन्ने अनि बाँकी पैसा गाउँ पठाउने कुरा पनि बताए उनले ।
कुराकानी चल्दै थियो । उनका जीवनका केही रमाइला त केही दुःख लाग्दा प्रसंगहरु सुन्दै थियम । कहिले परदेश गएर, कहिले पेन्टिङ गर्ने कलाकार बनेर त आहिले मजदुर बनेर परिवारको खुसी पूरा गर्दै छन् उनी । उनका कुरा सुन्दा समय गएको पत्तो पनि पाएनौं । निकै रमाइला कुराकानीहरुलाई विश्राम लगायौं र फेरि अर्को अर्काे दिन भेट्नेछौं भन्दै निरबहादुर दाईसँग बिदा भयौं । अन्तिममा उनले भने “जीवन संघर्ष हो, जतिसक्छ त्यति संघर्ष गर्नु । आफ्नो कर्मसँग कहिले पनि नभाग्नु ।“ उनका कुराहरू सुन्दा मान आनन्द लाग्यो । अनि मनमा लाग्न थाल्यो परिवारको सपना नै आफ्नो सपना हुँदो रहेछ । अनि सपना साकार गर्न हरेक काम गर्न सक्नुपर्ने रहेछ ।