नेवाःख्यलय् नुगः क्वसाःम्ह दाता भाईराजा साहु मन्त
पुष ७, २०७८, बुधबार | दिउँसो ०१:१९ बजे | 100
नेवाःख्यःया थीथी ख्यलय् छम्ह निःस्वार्थ भावना ब्वलंकाः नेवाःख्यः तब्या यायेगु लँपुइ नुगः क्वसाःम्ह दानीम्ह दाता भाईराजा साहु द्रव्यमान सिंह तुलाधर ने.सं. ११४२ थिंलागा दुतिया (२०७८ पुस ६ गते) मंगलवाः सनिलया ६ ता इलय् आकाझाकां मन्त । मदुम्ह भाईराजा साहु नेपाःया बुद्ध शासन चीरस्थायी यायेगु ज्याय् अतिकं नुगः क्वसायेकाः आपालं विहारया निर्माण ज्या लिसेलिसें मेमेगु महत्वं जाःगु ज्याय् आपालं ग्वाहालि यानाः वयाच्वनादीम्ह दाता खः । नेपाःया बुद्धधर्म ख्यलय् वय्कः छम्ह उपासक नं खः । छुं ई न्ह्यःनिसें म्हं मफयाः मेडिसिटी अस्पतालय् वासः याकाः वयाच्वंम्ह भाईराजा साहु ९१ दँ दुम्ह खःसा वय्कःया जहान बसुन्धरा तुलाधर, निम्ह काय् व छम्ह म्ह्याय् दी ।
भाईराजा साहु मदुगुलिं धर्मकीर्ति विहारं विचाः हायेकूगु दुसा धर्मकीर्ति विहारय् भवन निर्माणया लिसेलिसें मेमेगु आपालं ज्याय् ग्वाहालि यानादीम्ह वय्कः द्रव्यमान सिंह तुलाधर भाईराजा साहुया अनन्त गुण लुमंकूसें निर्वाणया कामना यासें दुःखं कःपिं मदुम्ह तुलाधरया जहान बसुन्धरा तुलाधरलिसेलिसें सकल छेँजःतय्सं संसार अनित्य स्वभाव लुमंकाः नुगः चिइफयेमाः धकाः धर्मकीर्ति विहारं विचाः हायेकूगु दु । मदुम्ह भाईराजा साहुया अन्तिम संसार थौं सनिलय् येँया कर्ण दीपय् जूगु दु । मदुम्ह तुलाधरया निम्ह काय् व छम्ह म्हयाय् दु ।
<!--[if gte mso 9]><xml>
Comments
