भाद्गाउँ स्पोर्टस् एण्ड लिजरपाखेंपाखें शारिरिक सुगठन कासा

कृष्ण प्रजापति
भाद्गाउँ स्पोर्टस् एण्ड लिजरया ग्वसालय् पौष २ गते व ३ गते निन्हुयंकं ख्वप जिल्लाब्यापी पुरुष व महिला पावर लिफ्टिंग कासा जुइगु जूगु दु । कासा न्यागू तौल समुहपाखें म्हितिकिगु नं धाःगु दु । ६५ केजी, ६५ केजी स्वयां च्वय् व पुरुष माष्टर समूहय् ४५ दँ स्वयां च्वय् नापं महिला ५५ केजी व ५५ केजी स्वयां च्वय्या समूह दइ । कासाय् ५० म्ह कासामितय्सं थःपिनि प्रतिभा न्ह्यब्वइगु खँ धाःगु दु । थ्व कासाया लागिं स्वर्ण, काश्य व रजत पदक नापं दसिपौ ब्यवस्था दु ।
कासाय् न्हापा लाःम्हेसित न्यय्द्धः, ओभरअलय् न्हापा लाःम्ह मिसा वा मिजंयात स्वीन्याद्धः तका नापं च्यागू लाख तका बजेटं थ्व कासा यायेत्यंगु दु । भक्तपुर शारिरिक सुगठनया तत्वाधानय् जुइगु कासाया प्रत्यक्ष प्रशारण नमस्ते ख्वप टेलिभिजनपाखें जुइगु पत्रकार सम्मेलनय् जानकारी बिउगु दु । पुष ३ गते कासाया बिजं कासा यानाः सिरपाः बियेगु धयातःगु दु । थुगु कासा भाद्गाउँ स्पोर्टस् एण्ड लिजर सिपाडोलय् यायेत्यंगु दु । प्रत्येक वजन समूहया न्हाप, लिउ व लियां लाःम्हेसित १५, १०, ५ द्धः नगद सिरपा दइ ।