किलाघः त्वालय् किलाघः त्वाः आखाछेँया उलेज्या
मंसिर २७, २०७८, सोमबार | दिउँसो ०२:५९ बजे | 90
कृष्ण प्रजापति
येँया किलाघः त्वालय् किलाघः त्वाः आखाछेँया उलेज्या म्हिगः जुगु दु । येँ महानगरपालिकाया मेयर बिद्यासुन्दर शाक्यं छगू ज्याझ्वःया दथुइ उलेज्या यानादिगु दु । किलाघः त्वाः खलःया नायः बंशी कृष्ण डंगोलया सभापतित्वय् जुगु उगु ज्याझ्वलय् किलाघः त्वाः आखाछेँ दयेकेगु नितिं ग्वाहालि याःपिन्त हनापौ. व दसिपौं लः ल्हायेगु ज्या जुगु खःसा लिसें लसता भ्वय् नकेगु ज्या जुगु खः । उगु किलाघः त्वाः आखाछेँ येँ महानगरपालिका व किलाघः त्वाः खलःया आर्थिक ग्वाहालिं दयेके ज्या क्वचाःगु खः ।
Comments
