अमेरिकामै छैन मानव अधिकार : डा कोजू
मंसिर २४, २०७८, शुक्रबार | विहान ११:२५ बजे | 50
भक्तपुर । मानव अधिकार दिवसका अवसरमा भक्तपुरमा शुक्रबार आयोजित एक कार्यक्रमका सहभागीहरुले विश्वकै सवैभन्दा स्वतन्त्र भनिएको संयुक्त राज्य अमेरिकामै मानव अधिकार नभएको दावा गरेका छन् । ७३ औं अन्तराष्टिय मानव अधिकार दिवसको अवसरमा अयोजित कार्यक्रममा उनीहरुले अमेरिकामा गोला जातिले कालाजातिमाथि मानव अधिकार हनन गरेको दावी गरे । राष्टिय मावन अधिकार प्रतिष्ठान भक्तपुर र रोम्वस सेकेण्डरी स्कुल भक्तपुरले संयुक्त रुपमा लैगिक हिंसा र मानव अधिकार विषयमा गरेको प्रबचन कार्यक्रममा उनीहरुले अमेरिकामा गोरा जातिले काला जातिलाई हेयको दृष्टिकोणले हेरेर मानव अधिकारको हनन गरेको दावी गरे ।
[[img2]]
राष्टिय मावन अधिकार प्रतिष्ठान भक्तपुरका अध्यक्ष डा राजेन्द्र कोजूले मानव अधिकार हनन हुनु भनको हत्या, हिंसा गर्नु मात्रै नरहेको बताए । उनले जातको आधारमा, भाषाको आधारमा, लिंगको आधारमा विभेद हुनु मानव अधिकारको हनन भएको बताए । परम्परादेखि मानव अधिकारको हनन हुँंदै आएको भन्दै उनले अहिले पनि मानव अधिकारका लागि लडनुपर्नु दुःखको विषय भएको बताए । कार्यक्रममा प्रतिष्ठानका उपाध्यक्ष सञ्जीव खनाल, सचिव नवराज घिमिरेलगायतले मानव अधिकारको पक्षमा लडनुपर्नेमा जोड दिए । कार्यक्रममा रोम्वस स्कुलद्धारा प्रकाशित नियमित पत्रिका रोम्वस दर्पण मासिकको वर्ष ८ अंक १ को विमोचन पनि गरिएको थियो ।फाेटाेमा हेर्नुहाेस्...
Comments
