अन्तर विद्यालय टेवलटेनिस प्रतियोगिता सम्पन, कुन स्कुल भयो प्रथम ?

भक्तपुर । भक्तपुर नगरपालिकाद्धारा आयोजित अन्तर विद्यालय टेवलटेनिस प्रतियोगिताका सम्पूर्ण खेलहरु २ वडा समिति र २ वडा खेलकुद समितिको समन्वयमा बासु उमावि कर्भड हलमा सम्पन्न भएको छ । सो प्रतियोगितामा विजयी खेलाडीहरुलाई  प्रमाणपत्र तथा मेडल वितरण कार्यक्रम भक्तपुर नपा वडा नं ७ का वडा अध्यक्ष तथा युवा तथा खेलकुद समितिका संदस्य उकेश कवांको प्रमुख आतिथ्यतामा सम्पन भयो ।
सो अवसरमा प्रमुख अतिथि उकेश कवांले  नेपालमा खेलकुद विश्व विद्यालय स्थापना भए नेपालको खेलकुदस्तर यो भन्दा अझ विकसित हुने चर्चा गर्दै भक्तपुरको खेलकुद विकास र पुर्वाधार विकासको निम्ती राज्यको कुनै सहयोग प्राप्त भएन भन्नुभयो । उहाँले भक्तपुर नपाले आफ्नै पहलमा विभिन्न खेलकुद  प्रशिक्षण सञ्चालन गर्नाले  नै भक्तपुरका खेलकुद विकास यो स्तरसम्म पु¥याउन मदत पुगेको छ भन्नुभयो ।
उहाँले पुरस्कृत विद्यार्थीहरुलाइ बधाई दिंदै खेलकुदको साथै अध्ययनलाई विद्यार्थीहरुले संगै लान सकेमात्र सफल खेलाडी बन्न सक्छ भन्नु भयो । अर्का अतिथि २ नं वडाका वडा अध्यक्ष हरिप्रसाद बासुकलाले नपाल मजदुर किसान पार्टीको निर्देशनुसार भक्तपुर नगरपालिकामा विजयी जप्रतिनिधीहरुmले  खेलकुद, शिक्षा ,स्वास्थ्यलाई प्राथमिकता दिई १०० बेड क्षमताका ख्वप अस्पताल सञ्चालन गर्न अगाडि बढीरहेको छ  । अन्तर विद्यालय  खेलकुद प्रतियोगिताले भक्तपुरको खेलस्तर अझ उकास्ने छ भन्नुभयो ।
प्रतियोगितामा भक्तपुर जिल्ला टेवल टेनिस संघका अध्यक्ष प्रेम खर्वुजा , २ वडा खेलकुद समितिका अध्यक्ष गणेश प्रसाद सुवाल, सचिव राजकुमार लघु, प्रतियोगिताका निर्णायक इन्द्रभक्त पंच लगायतले खेलकुद प्रतियोगिताको महत्वमाथि प्रकाश पार्नुभयो ।
प्राप्त परिणाम अनुसार गल्र्स टीम इभेन्ट्समा प्रभात ई. स्कूल प्रथम, प्रोक्सिमा एकडेमी दोश्रो र माउण्ट भ्याली र जेन्यूइन सेकेण्डरी स्कूल संयुक्त रुपमा तेश्रोस्थान प्राप्त गर्न सफल भयो  । व्वाइज टीम इभेन्टसमा प्रोक्सिमा एकडेमी प्रथम, द राइजिङ्ग इ. स्कूल दोश्रो, जेन्यूइन सेकेण्डरी स्कूल र गोल्डेन गेट ई.स्कूलले संयुक्त रुपमा तेश्रोस्थान प्राप्त गरेका थिए । व्वाइज १६ बर्षमुनी तर्फ करण कपाली विद्या आर्जन प्रथम , न्युनिस सुवाल द राइजिङ्ग इ. स्कूल दोश्रो  उज्वल न्हुछे प्रोक्सीमा एकडेमी र  क्रियशन सुवाल जेन्यूइन सेकेण्डरी स्कूल संयुक्त रुपमा तेश्रो भएका थिए । व्वाइज १६ बर्षमुी तर्फ  बिशाल कवां प्रोक्सिमा एकडेमी प्रथम, रुकेश कवां माउण्ट भ्याली ई. स्कुल दोश्रो तथा बासु माविका सुयौढ दुवाल र माउण्ट भ्याली ई. स्कुलका शोहन  गोर्खाली संयुक्त रुपमा तेश्रो भएका थिए । गल्र्स १६ बर्षमुनी तर्फ  मर्मदा खाइतु प्रोक्सिमा एकडेमी प्रथम, प्रभात ई.स्कुलका शौरभि कोजु दोश्रो, तथा प्रभात कै सेफिना कोजु र  प्रोक्सिमा एकडेमी प्रज्ञा भेले संयुक्त रुपमा तेश्रो भएका थिए।
गल्र्स १६ मुनि तर्फ प्रभातका  क्रमश प्रदिपा सुवाल प्रथम क्यारिना सुवाल दोश्रो भए । जेन्यूइन सेकेण्डरी स्कूलका वेन्डी सुवाल र माउण्ट भ्यालीका आशिका काशिछ्वा संयुक्त रुपमा तेश्रो भएका थिए ।
   मिक्स डवल तर्फ बिशाल र नर्मदाको जोडी प्रोक्सिमा एकडेमी प्रथम, प्रज्वल र प्रदीपाका जोडी प्रभात स्कूल दोश्रो र संयुक्त रुपमा सिर्जल र क्यारिनाको जोडी प्रभात स्कूल  र सफल र सिरस्तीकाको जोडी प्रोक्सिमा एकडेमी संयुक्त रुपमा तेश्रो भएका थिए ।  अन्तिम परिणाम अनुसार  प्रोक्सिमा एकडेमीले ४ स्वर्ण ,१ रजत र २ काश्य गरी  ७ पदकका साथ समूहमा प्रथम भई प्रथम ट्रफी प्राप्त गर्ने छन  
 प्रभात ई. स्कूलले २ स्वर्ण, ३ काश्य र २ काश्य पदक गरी ७ पदक प्राप्त गरी दोश्रो  ट्रफी प्राप्त गर्ने छन् । समुहमा प्रथम , दोश्रो र तेश्रोस्थान प्राप्त गर्नेहरुलाई २०७८ मंसीर २४ गते दिउँसो १ः०० बजे  शहिद स्मृति खेल मैदानमा हुने समापन तथा पुरस्कार वितरण कार्यक्रम पुरस्कृत गर्ने बताइएको छ ।