संसदीय समितिया निर्देशन ः ‘१२ तगिंया परीक्षा भौतिक उपस्थितिइ या’
भदौ ८, २०७८, मङ्गलबार | दिउँसो ०२:०५ बजे | 10
कृष्ण प्रजापति
संसदया शिक्षा व स्वास्थ्य समितिं १२ तगिं (१२ कक्षा)या परीक्षा भौतिक उपस्थितिइ याकेत सरकारयात निर्देशन ब्यूगु दु ।
मंगलवाः च्वंगु समितिया बैठकं जनस्वास्थ्यया मापदण्ड पालना यानाः भौतिक उपस्थितिइ तत्काल परीक्षा याकेत निर्देशन ब्यूगु खः । समितिया सभापति जयपुरी घर्तीं मेमेगु परीक्षात जुयाच्वंगु धासें १२ तगिंया परीक्षा याकेत निर्देशन ब्यूगु खः । बैठकय् उपस्थित समितिया दुजःपिन्सं स्वास्थ्य मन्त्रालय व शिक्षा मन्त्रालयदथुया समन्वयस तत्काल परीक्षा याकेमाःगुलि बः ब्यूगु दु । कोरोना संक्रमण जोखिमया हुनिं साउन ३१ गतेनिसें जुइ धाःगु परीक्षा स्थगित जूगु खः ।
Comments
.jpg)
.jpeg)
.jpeg)
