भक्तपुरकै अग्रणी विनायक शिक्षा निकेतन स्कुल

भक्तपुर जिल्लाकै अग्रणी विद्यालय विनायक शिक्षा निकेतन ईङ्गलिस सेकेण्डरी स्कूल मध्यपुर थिमि सर्वसाधारणका छोराछोरीहरुलाई न्यून शुल्कमा संस्कारयुक्त, गुणस्तरीय शिक्षा प्रदान गर्न वि.सं २०४५ सालमा स्थापना भएको हो । विद्यालयले विगत बर्षहरुमा शैक्षिक उपलब्धीरुपमा एस.एल.सी २०६४ साल नेपाल प्रथम स्थान हासिल गर्न सफल भएको थियो । धेरै पटक जिल्ला र नगरमा सर्वोकृष्ट नतिजा पनि हासिल गरिसकेको गौरबमय इतिहास छ । विनायक शिक्षा निकेतन स्कूल शैक्षिक क्षेत्रमा नभई विविध अत्तिरित्त कृयाकलापहरु समेत अब्वल विद्यालयको रुपमा चिनिन्छ । विशेषगरी संगित, नृत्य र साँस्कृतिक क्षेत्रमा राष्ट्रिय र अन्तरराष्ट्रिय क्षेत्रमा समेत विद्यार्थीहरुले सहभागी भई धेरै पटक पुरस्कारहरु जित्न पनि विद्यालय सफल भएको छ । आफ्ना विद्यार्थीहरुलाई पढाईको अलावा विभिन्न अन्तरराष्ट्रिय शैक्षिक तथा सामुदायिक विकास तालिम गएकोमा विद्यार्थीहरुलाई भुटान, बंगलादेश, श्रीलंका, भारत, चीन, जापान, फ्रान्स र अमेरिकासम्म सहभागी गराई अन्तरराष्ट्रिय जगतमा समेत प्रसिद्धि कमाई सकेका छन् । यस विद्यालयमा चिनियाँ, अष्ट्रेलिया, अमेरिका, क्यानाडा र अन्य यूरोपियन राष्ट्रहरुबाट समेत स्वयम् सेवक शिक्षकहरु नियमित रुपमा व्यवस्था गरिएको छ ।