जि बुगु थाय व्यासी त्व

कुमार लघु,ख्वप जिगु पूर्खा जमे जुया चोङ्गु तह्रा व्यासी त्व ख। जि बाज्या बाबुलाल लघु,जि बाज्या याय काय माेहन बाहादुर लघु, ,अमा कृष्णमाया लघु ( खाईजु) अमा यायगु थछे न्हापा चोर्चा , जि पाजुपु दाईजु थर यायपु ख । थाै कन्ह जिपाजुपु देकोचाय छे दयका चोना दिगु द। जिपाजुपु नेम्हा दाज व किजा द । तह्रीम्ह सियायगु बिकु नारायण खाईजु अले माईला म्हा सियायगु पुरूषोत्तम खाईजु ख। जि अव्वा याय तह्रिम्हा काय् जि कुमार लघु, जि केहे प्यम्हा व किजापु स्वम्हा द। जि जेठाम्हा व माईला म्हा राजकुमार लघु,साहिला म्हा न्हुछेकुमार लघु, कान्छा म्हा दिलकुमार लघु ख । फुकं सियाय विवाह जुल । अमा व अव्वा ८८ अमा ८५-८६ दत। केहेपिङ फुकसियाय घरजम्म जुल । व्यासी त्वा चिह्रा व्यासी बालाखु,खिछे,याँलाछे,जालाचा,सुलुमला व तह्रा व्यासी निगु मिले याना व्यासी धया तगुद । व्यासी त्वा दका तगुख । आ झनलथपे जुजूङ वगु द ।थ थे मिवा ,कासने ,स्यालाचा हाेलि गार्डेन एरिया ,बिष्णुमत्ति पलि थपे जुङजुङ् वया चोङगु खाने द। व्यासी त्वाले बालाखुई बालाखु गणेश द्य,बालाखु गणे द्य यायगु द्य छे,याँलाछे शारदा मा वि,चिधाङगु व्यासी पुलाङगु वासु मा वि कासने सरेजुल सहिद राजकुमार पुस्तकालय आ वया शहरी स्वास्थ सेवा केन्द्र तयातगु द । शहरी स्वास्थ सेवा केन्द्र खं जनता यायगु सेवा बियाँ ग्वाहालि जुया चोङ्गु द । विरामी त जाँचे यायता डाक्टर,नर्स हेलपर त टिकट यायगु वन्दाेवस्त जुया चाेङ्गु द। भिन्तुना वचत तथा सहकारी सस्था लिमिटेल स्थापना याना जनता तयगु वचत यायता अपुका बियाँ चोन। तह्रा व्यासी तगोगु पुखु,व्यासी लोहहिती ,त्वालय फलिचा,छोस फलिचा ,बालाखु फलिचा चिह्र व्यासी भजन यानाचोङगु फलिता ,कोजु फलिचा ध्वाकाँ फलिचा, चाहा फलिचा झ्या दुगु फलिचा ध्वाकाँ पिने फलिचा, डाफा फलिचा,स्वधला लाेहहिती,ध्वाकाँ पिने चोङ्गु फलिचा , ध्वाकाँ पिने चोङगु ल‍ोहहितीचा, चिचागोगु पुखुचा,नारायण द्य ,कत फलिचा थि थी सम्पदा ख्वप यायगु तजिलजि खे ल्या द। बालाखु तुँछी,लासिवा तुङछी,चिधाङ व्यासी तुँछी ,भवान द्य थाय चोङगु तुँछी ,भवान द्य थाय चाेङगु लाेहहिती,सुलुमलाय चाेङगु तुँछी ,कलहिती नं द । व्यासी कलहिती,त्वालय याय लाेहहिती कलहिती नं हाल चाेङ्गु द , चिह्रा व्यासी ध्वाकाङ पिने लोहहिती,ध्वाकाङ पिने काेजुिपिनिगु छे हनेचोङगु लोहहिती द। बालाखुई नं द्य याय हने हिती द यालाछेँ शारदा मा वि उत्तरे कलहिती तयातगु द । थो कलहिती लाेहहिती शुभ दिन यायगु ज्याखाँ स्वानेता निना कायगु व ना तोनेगु व माेह ल्हुयता तया द्य पूजा यायता निना कया ख्वासिलेता तया झिगु पूर्खाङ दयका तगु ख । फलिचा त आराम यायता व म्ह्यायमचा कायता जन्त वईवले फितुना मसिँप्व इयता तारूवा जोनावगु दुगु जोना वपु फितुना चाेनेता दयका तगु फलिचात ख । छखे ता झापाकं वपि पाहुना त चा फिना देना बाय चोनेता दयका तगु बाँलागु पक्ष ख। नेवा तय न्हापा भमचा कावानि बले कनाथ पुइका यकिगु चलन द। भमचा कयाहइ बले ला सोवईगु चलन नं द । आ व चलन तोतल हटे जुया वान । त्वालय भोय नकिगु ईले फलिचा त न्हापा भारी कोठा याना तईगु ख । पुखु खे बुई वानावपि दाजु किजा तता केहेपिनी ल्हा तुती सिलिगु यको लिपातिनी कल हिती दया वयमङतिनी कलहिती ल्हातुति सिलेगु जुयावल । त्वा त्वालय सफा सुघर जुया वल सफा यायगु विकास जुल । छे छे सोन्हतले सग हटेयाङ शाैचालय यायगु जुया रोग कम जुगुख । छे छे न्हापा मे,दुगु,फै,सा लहिएगु मदया वान । न्हापा मे लहिना मचा तयता दुरू तोङकेगु चलन फुकंछे धयथिँ दुगुख । कासने वानी लाय दुछि मे चिङ तयतईगु । कासने वानीगु ला पिच मजुगु।जिङ सियानं हे यको लिवा तिनी पिच जुगु ख । कासने लाय माहा द्य यको लिपातिनी हे छोलेश्र्वर माहा द्य धयाहगुख। वासुमावि ६० साल ताकेलिसे तिनी पुलाङगु थाय चिह्रागु व्यासी त्वा लं सरे जुगुख । कासने कासन पुस्तकालय द। कासने पुलागु सत लिपिना न्हुगु सत दाङगु ख । सतदाङगु पुलाङता न्हुगु यागु थो हे १० दा लिसे 20 दा दत जुयम। कासने यायगु जगति कृष्ण द्य ,गणे द्य ,माहा द्य ,रामसिता द्य द। कासने ता कालिघाट व खासाङखुसुङ खुसी नं धायो तगुख । शुभ बाँलागु ज्या स्वानेता नखाचखा बले न्हापाङ बालाखु यायगु गणे द्य के वाङातिनी मे मेगु द्य थाय वानीगु द । झिगु व्यासी त्वा लय ख प्याखं यको वर्ष तक ल्हुईका नाङ कमे यागु त्वा व्यासी त्व ख । न्हापा विस्काबले दशै बले त्वालय दछि फितुना डाफा भजन याईगु चलन दुगु आ विस्तारं ताङवान ताङ वाङकल। झिसं सोय झिगु तजिलजी दयाङतु चोङसा बाँलागु ख। व्यासी त्वा थो थास हयता शिक्षा ब यापिङगु यको यको ल्हा व ब:याना दिउँ पिन्ता धन्यवाद । व्यासी त्वालय थि थी थर यायपि दाजु किजा तता केहे पिनीगु वर्चस्व द। गथेकि मुनंकर्मी ,श्रेष्ठ, सुवाल दुवाल,लघु,वासुकला,छोसकोस , याकामी,व्यान्जु,कासुला,ग्वायमरू,लासिवा,पहिजु,दथेपुथे सुलु, लाखे,न्हुछे,काेजु,कर्माचार्य,शर्मा व केसी तयगु थर यापि जमघट दगु थाय व्यासी त्वा ख । झिगु व्यासी त्वा बाँलाक तयता सकसियायगु मदत व महत्व न्हिया न्ही हे मागु ई यायगु महत्व ख । थमं पासापिन्ता कपि व शेयर यानादिस । शुभाय् २०८१/०७/३०