सम्मेलन जनतायागु जुयम !
कार्तिक २०, २०८१, मङ्गलबार | विहान ०८:१४ बजे | 25
बक्सर
साहित्य सम्ममलेलनया दबुखेय्
साहित्यया खाँग्वता त्वापतिक
चुलुगु भ्वँतय्
च्वयाच्वंगु द म्होसुपुसं
मिलेमजुगु मतिनाखेय्
थिथि सबत तयो
नाङापति ब्वय्गु ज्याजुल चिनाखेय् ।
थगु म्हासिका क्वतेक च्वपुँ
छु सम्मेलनया दबुखेय्
दानेगु तक हक मरुला ?
दपुनिगु जक खला
मखु सम्मेलन
तःतःधाँपुनिगु जक नं मखु सम्मेलन
अय्जुसां छाय् छपु साहित्यया
फैईमखु जुय् खाँग्वया सम्मेलन ।
सःपुनिगु चक्रव्युहखेय् लङ
सम्मेलनखेय् नं विभेद बुयोवई
नुगनुगखेय् झ्वाविगु खाँग्वया बाण नं थैं
तियो छटपटेय् जुगु सम्मेलन
अले वहे सम्मेलनया किपाखेय् खानेदगु
गुलीं समाजया मज्युगु व मभिगु किपा त
छ्याताङ्क खानेदई ।
ईः खं गज्यगु ध्याचु नेकंच्वनि
क्रान्तिकारी खाँग्वया चिनाखत
सम्मेलनया दबुई तपुया च्वनी
पिब्वईगु नां धलखेय् तङ च्वनी ।
सम्मेलन न्ह्याय् दपुनिगु जक मखु
सम्मेलन शोषित पिडित वर्गयागु नं ख
सम्मेलन ब्वनिगु साहित्य
छाय् किला थकतःया ध्वः ?
सम्मेलनय् ब्वनिगु साहित्ययां ख
ब्वनिपिंता ब्वकेम
सम्मेलनय् मजदुर तय्गु दुख पिब्वय दय्म
सम्मेलनय् जनतागु विचः प्वकें दय्म
सम्मेलनय् क्रान्तिकारी तय्गु म्ये हाले दय्म
सम्मेलनय् अन्तर्राष्ट्रियवादी जुया दने दय्म
मखुसा व सम्मेलनय्
गुबले नं तःधागु विद्रोह दानेफ
अले हिलेफ सम्मेलनया ईतिहास
किय्फ विद्रोहया रङखं
उकिं
वर्गखेय् बायाच्वगु समाजय्
साहित्य नं वर्गिय जुई
सम्मेलन जनताय्गु जुयम
गना ल्याम्होतय्गु विचः क्रान्तिकारी जुयम ।
शुभाय् !
Comments
.jpg)
.jpeg)
.jpeg)
