अफसोस !
भदौ २४, २०८१, सोमबार | विहान ०४:५३ बजे | 40
सुनील सापकोटा
कौशलटार, भक्तपुर
तिमी
ती दिनहरुमा
म सङ
भेटिनु पर्दथ्यो
जहाँ मोटरको
आवाजले होइन
कुखुरा बासेको सुन्दा
बिहानीको आभास हुन्थ्यो
जहाँ आफू भन्दा
ठूला बडा लाई
हेप्ने र मजाक गर्ने होइन
आदर र सम्मान गरिन्थ्यो
जहाँ झुठ बोल्नेहरु पनि
धर्म र कानुन मान्थे
पापको डरले काम्दथे
जहाँ रात वास बस्न आएका
नचिनेको आगन्तुकलाई पनि
देवता तुल्य ब्यवहार गरिन्थ्यो
जहाँ राजनिती र समाज सेवालाई
कामाउने धन्धा होइन
साधुवादी पेशा मानिन्थ्यो
म
ती दिनहरु खोज्दैछु
जहाँ पुरुषले प्रेम पत्र लेख्थे
स्त्री लज्जाको प्रतिमा बन्थिन
खोइ ! कता हरायो , हरायो
प्रीये ...
तिमी
ती दिनहरुमा
म सङ
भेटिनु पर्थ्यो
तर आज
अफसोस !
Comments
.png)
.jpg)
.jpg)
