यस्तो रहेछ सूर्यविनायकको घटना (जस्ताको तस्तै)

भक्तपुर । भक्तपुरको सूर्यविनायक नगरपालिकाका एकजना वडा अध्यक्षमाथि हातपात भएको घटना सूर्यविनायक नगरपालिका वडा नं ५ कटुञ्जेको रहेको छ । सूर्यविनायक नगरपालिका वडा नं ५ कटुञ्जेमा मंगलबार दिउँंसो साढे १२ बजे घटना घटेको हो ।

झैझगडा जग्गाको कारणले भएको प्रहरीले जनाएको छ । झैझगडामा नेत्रबहादुर चन्द र सागर थापा घाइते भएका छन् । उनीहरुको उपचारको लागि सूर्यविनायक नगरपालिका अस्पतालमा पठाइएको प्रहरीले जनाएको छ ।

घटनामा संलग्नमध्ये दुईजनालाई पक्राउ गरिएको छ । सुनिल थापा र सुदीप थापालाई पक्राउ गरी कार्यालयको हिरासतमा राखिएको प्रहरीले जनाएको छ । घटनास्थलमा वडा सदस्यसमेत संलग्न भएकोले उनलाईसमेत कार्यालयमा बोलाई बयान लिएको प्रहरीले जनाएको छ । तर उनको नाम भने खुलाइएको छैन ।

राति अवेर प्रहरीबाट सार्वजनिक घटनाविवरण

१) मिति २०८०/५/१९ गते दिनको अं १२.३० बजेको समयमा भक्तपुर जिल्ला सुर्यविनायक नगरपालीका वडा नं ५ कटुन्जे वडा कार्यालय परिसर कम्पाउण्ड भित्र जिल्ला ललितपुर महालक्ष्मी नगरपालीका वडा नं ३ स्थाई घर भएका बर्ष ५१ को नेत्र बहादुर पौडेललाई भक्तपुर जिल्ला सुर्यविनायक नगरपालीका वडा नं ५ कटुन्जे बस्ने बर्ष ४० को सुनिल थापा र ऐ.ऐ बस्ने बर्ष ३८ को सुदिप थापाले जग्गाको बिषयलाई लिएर छलफल गर्ने क्रममा बिनाकारण गाली गलौज गरी समाती लछार पछार पारेर हातपात कुटपिट गरेको र उक्त झै-झगडा छुट्टाउने सागर थापा समेतलाई निज सुनिल थापा समेतले कुटपिट गरी घाईते बनाएको घटना सम्बन्धमा सम्बन्धित वडा कार्यालयका वडा प्रतिनिधीहरु समेत बसी उक्त झै-झगडा सम्बन्धमा छलफल गराईरहेको हुँदा दुवै पक्ष एक आपसमा नमिलेको हुँदा प्रहरी टोली आउनु प-यो भनि यस कार्यालयमा मौखिक उजुरी परेकोमा सो स्थानमा यस कार्यालय बाट प्र.नि रमेश थापा समेतको टोली घटनास्थलमा गएको ।

२) घटनास्थलमा प्र.नि रमेश थापा समेतको टोली गई घटनास्थल मुचुल्लका लगायतको अनुसन्धान कार्य पुरा गरी दुवै पक्षलाई यस कार्यालयमा ल्याईएको ।

३ सुनिल थापा समेतलाई कानुनी दायरामा ल्याउनु पर्ने भनि निज नेत्र बहादुर पौडेलले  सुनिल थापा र सुदिप थापाको विरुद्दमा अभद्र व्यवहार मुद्दामा जाहेरी दरखास्त दिएको ।

४) झगडामा घाईते भएका नेत्र बहादुर पौडेल र सागर थापाको घाँउ जाँच केश फारामको लागी सुर्यविनायक नगर अस्पताल भक्तपुरमा पठाईएको ।

५) नेत्र बहादुर पौडेलले दिएको जाहेरी दरखास्तमा उल्लेखित सुनिल थापा र सुदिप थापा लाई नियन्त्रणमा लिई यस कार्यालयको हिरासत कक्षमा राखिएको ।

६) वारदातस्थलमा वडा सदस्य समेत रहेकोमा निजलाई समेत यस कार्यालयमा ल्याई घटनाको बारेमा बुझिएको ।

६) उक्त घटना सम्बन्धमा विस्तृत रुपमा अनुसन्धान कार्य भई रहेको ।

मितिः- २०८/०५/१९ गते ।