अवरुद्ध पृथ्वी राजमार्गको मुग्लिन आँबुखैरेनी सडकखण्डमा दिउँसोबाट साना तथा मझौला सवारी साधन सञ्चालनमा
जेठ २७, २०७९, शुक्रबार | दिउँसो ०२:०३ बजे | 0
बिराज अधिकारी
तनहुँ सडक भासिएका कारण अवरुद्ध पृथ्वी राजमार्गको मुग्लिन आँबुखैरेनी सडकखण्डमा दिउँसोबाट साना तथा मझौला सवारी साधन सञ्चालनमा आइरहेका छन् ।
तर प्रशासनले साँझ ७ बजेसम्म उनीहरु प्रवेश गरिसक्नुपर्ने बताएको छ । सहायक प्रमुख जिल्ला अधिकारी काशिराम गैह्रेले पहाड खनेर तत्कालका लागि एकतर्फी रुपमा माइक्रो, कार र बाइक चलेको भन्दै जोखिमका कारण राती ती पनि सञ्चालनमा रोक लगाइएको बताए ।
भोलिपल्ट बिहान ५ बजेपछि मात्र साधन सञ्चालनमा आउने उनले बताए ।
प्रशासनले सडक ठूला सवारीका लागि योग्य बनाउन काम थालिएको भन्दै अब केही दिनभित्रै यातायात नियमित हुने गरी काम हुने बताएको छ ।
घटनास्थलको निरीक्षण गर्दै गण्डकी प्रदेशका आन्तरिक मामिला मन्त्री डोवाटे विकले सडक सक्दो चाँडो सञ्चालनमा ल्याउनका लागि आवश्यक वातावरण तयार पार्न खटिएका प्राविधिकलाई निर्देशन दिएका छन् ।
Comments
.jpeg)
.jpeg)
.jpeg)
