काठमाडौं । मनू यःगायाः सीगु खिपः थिकेगु दामं मिइखनी धैगु अन्धविश्वासय् स्वम्ह मनूया पुचलं छम्ह मिसाया ज्यान काःगु दु । खिपः मियाः लखौं दां कमेयायेगु लोभं मिसाया हत्या याःगु द्वपनय् प्रहरीं स्वम्हेसित गिरफ्तार याःगु खः ।

महानगरीय अपराध महाशाखा बानेश्वरं यल महानगरपालिका १७ वडा सुनागुथिइ ४५ दँया कमला तामाङया हत्या याःगु द्वपनय् मकवानपुरया २३ दँया सविन प्रजा, मोरङया २० दँया सुमन मगर व मकवानपुरया हे १८ दँया प्रविना प्रजा माझीयात ज्वंगु खः ।

महाशाखाया एसएसपी चन्द्रकुवेर खापुङया कथं इमिसं खिपः मिइखनीगु अफवाहय् विश्वास यानाः कमला तामाङया ककुइ खिपतं चिनाः हत्या याःगु सीदूगु दु । हत्यालिपा सीम्हेसिगु तिसा व मोबाइल तकं लुटेयानाः बिस्युं वंगु अवस्थाय् गिरफ्तार यानाः अनुसन्धान न्ह्याकूगु एसएसपी खापुङं जानकारी ब्यूगु दु ।

...

All Comments.......


Please Login/Register To Comments