कमलविनायकमा दुर्घटना ः विद्यार्थी घाइते ः ख्वप अस्पतालमा उपचार हुदै
भक्तपुर । भक्तपुरको कमलविनायकमा दुर्घटना भएको छ । दुर्घटनामा परेर एकजना विद्यार्थी घाइते भएका छन् ।
भक्तपुर नगरपालिका वडा नं १० कार्यालयसँंगैको कमलविनायक हल जाने बाटोमा दुर्घटना भएको हो । मिनी ट्रकको ठक्करबाट विद्यार्थी घाइते भएका हुन् । उनको ख्वप अस्पताल च्याम्हासिंहमा उपचार भइरहेको जनाइएको छ । उनको खुटामो गम्भीर चोट लागेको र शल्यक्रिया गर्नुपर्ने भएको जनाइएको छ ।
बुधबार राति भएको दुर्घटनापछि भविष्यमा यस्तै खालको दुर्घटना हुने प्रबल सम्भाबना भएको भन्दै विहीबार यस विषयमा छलफल भएको छ । भक्तपुर नगरपालिका वडा नं १० कार्यालयको आयोजनामा छलफल भएको हो । छलफल वडा अध्यक्ष लक्ष्मीप्रसाद ह्यौमिखाको अगुवाईमा वडा कार्यालयमा विहान भएको थियो । छलफलमा वडा कार्यालयका जनप्रतिनिधि, स्थानीय तथा कमलविनायक टाफिक प्रहरी प्रभागका प्रहरीहरु उपस्थित रहेका थिए ।
छलफलमा सहभागी ट्राफिक प्रहरीहरुले सम्भावित दुर्घटना हुन नदिन अरु विभिन्न ठाउँंहरुमा जस्तै दिउँंसोको समयमा उक्त वाटोमा मिनी ट्रकलगायतका सवारीसाधनहरु निशेध गर्नुपर्नेमा जोड दिएको बताइएको छ ।
.jpg)
.jpg)
