मध्यपुर थिमि बोडेकी श्रेष्ठद्धारा रास्वपा परित्यागको घोषणा

मध्यपुर थिमि नगरपालिका–८, बोडे निवासी रेनु श्रेष्ठले राजनीतिक दलको साधारण सदस्यतासमेत त्याग गर्दै स्वतन्त्र नागरिकका रूपमा रहने घोषणा गरेकी छन्। श्रेष्ठले आज मंसिर ६ गते सार्वजनिक विज्ञप्ति तथा मञ्जुरीनामा जारी गर्दै आफूले पूर्ण होशहवास र स्वेच्छाले कुनै पनि राजनीतिक दलको साधारण सदस्यता, पद तथा जिम्मेवारीमा नरहने निर्णय गरेको जानकारी गराएकी हुन्।

उनले यसअघि कुनै राजनीतिक दलसँग आबद्धता रहेको भए सो आबद्धता तथा साधारण सदस्यतासमेत आजकै मितिदेखि त्याग गरेको स्पष्ट पारेकी छन्। अब उप्रान्त कुनै पनि राजनीतिक दलसँग आबद्ध नरही आफ्नो विचार, विवेक र निर्णयअनुसार स्वतन्त्र नागरिकका रूपमा अघि बढ्ने प्रतिबद्धता व्यक्त गर्दै उनले आफ्नो निर्णयलाई आधिकारिक मानिदिन सम्बन्धित सबैमा अनुरोध गरेकी छन्। ‘आजदेखि म कुनै पनि राजनीतिक दलको सदस्य होइन, म स्वतन्त्र छु,’ श्रेष्ठले सार्वजनिक गरेको विज्ञप्तिमा उल्लेख गरेकी छन्।

यसअघि उनी राष्टिय स्वतन्त्र पार्र्टी मध्यपुर थिमिमा सक्रिय थिइन् ।

सार्वजनिक विज्ञप्ति तथा मञ्जुरीनामा
विषय: राजनीतिक दलको साधारण सदस्यतासमेत त्याग गरी स्वतन्त्र रहने सम्बन्धमा।
म रेनु श्रेष्ठ, मध्यपुर थिमि नगरपालिका–8, बोडे, भक्तपुर निवासी, आज मिति २०८३ साल मंसिर ६ गतेदेखि पूर्ण होशहवास तथा आफ्नो स्वेच्छाले कुनै पनि राजनीतिक दलको साधारण सदस्यता वा अन्य कुनै पनि पद तथा जिम्मेवारीमा नरहने निर्णय गरेको स्पष्ट जानकारी गराउँदछु।
यसअघि कुनै राजनीतिक दलसँग आबद्धता रहेको भए सो आबद्धता तथा साधारण सदस्यतासमेत आजकै मितिदेखि त्याग गर्ने मेरो पूर्ण मञ्जुरी रहेको छ।
अब उप्रान्त म कुनै पनि राजनीतिक दलसँग आबद्ध रहने छैन। म स्वतन्त्र नागरिकका रूपमा आफ्नो विचार, विवेक र निर्णयअनुसार अघि बढ्ने प्रतिबद्धता व्यक्त गर्दछु।
मेरो यस निर्णयलाई नै आधिकारिक मानिदिनुहुन सम्बन्धित सबैमा अनुरोध गर्दछु।
आजदेखि म कुनै पनि राजनीतिक दलको सदस्य होइन, म स्वतन्त्र छु।
नाम: रेनु श्रेष्ठ
ठेगाना: मध्यपुर थिमि नगरपालिका–8, बोडे

Leave a Reply

Your email address will not be published. Required fields are marked *