दासत्वबाट मुक्ति दिलाएको खुसियालीमा सुरुआत गरिएको
कात्तिक १८ गते
केके मानन्धर
केन्द्रीय मानन्धर संघले नेपाल संवत् न्हूदँ राष्ट्रिय समारोह समिति ११४७ को लागि नवनियुक्त अध्यक्ष सुगतरत्न कंसाकारलाई बधाई तथा शुभकामना दिइएको छ । काठमाडौंको दैसाः टोलमा कार्यक्रम गरी कंसाकारको एकवर्षे कार्यकाल सफलताको लागि शुभकामना दिइएको हो । “विश्वभर कम्तीमा १९५ वटा देशहरु अस्तित्वमा छन् । तर संवत् जम्मा १२ मात्र । त्यसमध्ये नेपाल संवत् पनि हो ।” कार्यक्रममा मन्तव्य राख्ने क्रममा कंसाकारले बताए । नेपाललाई सगरमाथा र लुम्बिनी क्षेत्रले विश्वसामु चिनाए जस्तै नेपाल संवत्को प्रचारले पनि उतिकै भूमिका खेल्नसक्ने उहाँले उल्लेख गरे ।
हुनपनि विश्वभर प्रचलनमा रहेका अधिकांश संवत् धर्म र राजामहाराजाहरुको नामबाट चलाइएका छन् । तर आजभन्दा ११४७ वर्ष अगाडि राजा राघवदेवको पालामा राष्ट्रिय विभूति शंखधर साख्वाःले नेपाल देशको नाममा नेपाल संवत् प्रचलनमा ल्याएका हुन् । उहिले शासकको दासत्वबाट मुक्ति दिलाएर त्यसको खुसियालीमा संवत् सुरुआत गरिएको बताइन्छ ।
नेपाल संवत् न्हूदँ राष्ट्रिय समारोह समितिले नेपाल संवत्को महत्त्व प्रचारप्रसार, संरक्षण तथा राष्ट्रियस्तरमा प्रवद्र्धन गर्ने क्षेत्रमा काम गर्दैआएको छ । ३५ सदस्यीय सचिवालय, १०७ सदस्यीय समिति तथा विभिन्न काम गर्नको लागि २० वटा उपसमिति बनाइएका छन् । समितिले नेपाल संवत्को नयाँ वर्षलाई राष्ट्रियस्तरमा भव्य रूपमा मनाउने, भिन्तुना सभा तथा सांस्कृतिक ¥याली आयोजना गर्ने, राष्ट्रिय विभूति शंखधर साख्वाःको योगदान र इतिहासको प्रचारप्रसार गर्ने, संवत्लाई सरकारी कामकाज तथा व्यवहारमा प्रयोग गराउने क्षेत्रमा काम गर्दैआएको छ ।
Leave a Reply