नेकमा सीमित सिटमा प्रवेश परीक्षाको व्यवस्था

नेपाल इन्जिनियरिङ कलेजमा स्नातक तहका सीमित सिटका लागि ‘अन-द-स्पट’ प्रवेश परीक्षा

भक्तपुर, साउन २० — नेपाल इन्जिनियरिङ कलेज (nec) ले स्नातक तहका विभिन्न शैक्षिक कार्यक्रमका बाँकी रहेका सीमित सिटमा भर्नाका लागि ‘अन-द-स्पट’ प्रवेश परीक्षा सञ्चालन गर्ने भएको छ।

कलेजले जारी गरेको सूचनाअनुसार इच्छुक विद्यार्थीले कलेज परिसरमै प्रवेश परीक्षा दिएर सोही दिन भर्ना प्रक्रिया पूरा गर्न सक्ने व्यवस्था गरिएको छ। बाँकी रहेका सिट संख्या सीमित भएकाले ‘पहिले आउनेलाई पहिले अवसर’ (First Come, First Served) को आधारमा भर्ना गरिने कलेजले जनाएको छ।

कलेजका अनुसार यो अवसर स्नातक तहको अध्ययन यात्रा सुरु गर्न चाहने विद्यार्थीका लागि अन्तिम अवसरका रूपमा रहेको छ। त्यसैले समयमै आवेदन दिएर प्रवेश परीक्षामा सहभागी हुन विद्यार्थीलाई आग्रह गरिएको छ।

अन-द-स्पट प्रवेश परीक्षा भक्तपुरको चाँगुनारायण नगरपालिका–४ स्थित नेपाल इन्जिनियरिङ कलेज परिसरमा सञ्चालन हुनेछ। थप जानकारीका लागि इच्छुक विद्यार्थीले ९७४१८०२०९६ नम्बरमा सम्पर्क गर्न सक्नेछन्। साथै अनलाइन आवेदनका लागि कलेजले आफ्नो दर्ता पोर्टलमार्फत आवेदन खुला गरेको जनाएको छ।