भक्तपुर । स्वतन्त्र पत्रकार संघ जिल्ला शाखा भक्तपुरको कार्यालय उदघाटन गरिएको छ । मंगलबार एक कार्यक्रमवीच भक्तपुरको कमलविनायकमा कार्यालय उदघाटन गरिएको हो । स्वतन्त्र पत्रकार संघ नेपालका केन्द्रिय सल्लाहकार कृष्ण किसी, संघका केन्द्रिय सदस्यद्धय प्रेमध्वज लामा र सुरेशप्रसाद सैंजूले संयुक्त रुपमा एक कार्यक्रम गरी कार्यालयको उदघाटन गरेका हुन् ।
कार्यक्रममा राष्टिय समाचार समितिमा नियुक्त हुन सफल संघका जिल्ला अध्यक्ष रेणु त्वानाबासुलाई बधाई दिइयो । साथै संघको केन्द्रिय सल्लाहकारमा मनोनित कृष्ण किसीलाई पनि बधाई दिइयो । साथसाथै जिल्ला शाखाको कोषाध्यक्षमा मनोनित शान्त लाकाजूलाई पनि बधाई दिइयो ।
संघको हालै पोखरामा बसेको केन्द्रिय समितिको बैठकबाट पत्रकार किसी केन्द्रिय सल्लाहकारमा मनोनित भएका थिए । साथै जिल्ला शाखाको हालै बसेको बैठकले शान्त लाकाजूलाई जिल्ला कोषाध्यक्षमा मनोनित गरेका थियो । यसअघिका कोषाध्यक्ष प्रेमध्वज लामा केन्द्रिय सदस्यमा निर्वाचित भएपछि जिल्ला कोषाध्यक्ष पद खाली रहेको थियो ।
कार्यक्रममा केन्द्रिय सल्लाहकार किसी, केन्द्रिय सदस्यद्धय लामा र सैंजू तथा कोषाध्यक्ष लाकाजूले स्वतन्त्र पत्रकार संघको विषयमा चर्चा गरेका थिए । कार्यक्रम संघका जिल्ला अध्यक्ष रेणु त्वानाबासुको सभापतित्वमा सम्पन्न भएको थियो । कार्यक्रम जिल्ला उपाध्यक्ष मणिराज लामिछानेले सञ्चालन गरेका थिए ।
स्वतन्त्र पत्रकार संघ भक्तपुरको कार्यालय उदघाटन
Leave a Reply