भक्तपुर । विपद्का समयमा आवश्यक पर्ने रगतको अभाव हुन नदिन भक्तपुर युवा टीमले रक्तदान कार्यक्रम आयोजना गरेको छ। भक्तपुर नगरपालिका–7 गोल्मढीमा आयोजित कार्यक्रममा युवाहरू तथा स्थानीयको सहभागिता रहेको थियो। ‘विपद्पीडितको सहयोग, रक्तदान जीवनदान’ भन्ने सन्देशसहित आयोजना गरिएको कार्यक्रममा सहभागी रक्तदातालाई प्रमाणपत्रसमेत प्रदान गरिएको थियो।
भक्तपुर युवा टीमले मित्रता, अनुशासन र स्वास्थ्यका लागि युवाहरूलाई सामाजिक तथा मानवीय सेवामा सहभागी गराउने उद्देश्यले विभिन्न गतिविधि गर्दै आएको जनाएको छ। विपद्का बेला घाइते तथा बिरामीका लागि रगतको आवश्यकता बढ्ने भएकाले युवाहरूले गरेको रक्तदानले मानवीय सेवामा महत्वपूर्ण योगदान पुग्ने आयोजकको भनाइ छ। भक्तपुरमा रक्तसञ्चार सेवाका लागि Nepal Red Cross Society लगायतका संस्थाले सेवा दिँदै आएका छन्।
Leave a Reply