भक्तपुर । निओ फ्युजन स्कुल अफ कम्प्युटरले सञ्चालन गरेको निःशुल्क तालिमका सहभागीलाई प्रमाणपत्र तथा प्रशंसापत्र वितरण गरेको छ।
स्कुलको २१औँ वार्षिकोत्सवको अवसरमा शनिबार इनाचोस्थित मुख्य कार्यालयमा आयोजित कार्यक्रममा विभिन्न निःशुल्क तालिममा सहभागी प्रशिक्षार्थीलाई प्रमाणपत्र तथा प्रशंसापत्र वितरण गरिएको हो।
कार्यक्रममा कम्प्युटरसम्बन्धी सीप तथा दक्षता अभिवृद्धि गर्न सञ्चालन गरिएका तालिम पूरा गरेका प्रशिक्षार्थीलाई प्रमाणपत्र प्रदान गरिएको स्कुलले जनाएको छ। कार्यक्रममा प्रशिक्षार्थी, अभिभावक तथा विभिन्न क्षेत्रका व्यक्तिको सहभागिता रहेको थियो।
निओ फ्युजन स्कुल अफ कम्प्युटरले विगतदेखि नै कम्प्युटर तथा सूचना प्रविधिसम्बन्धी सीपमूलक तालिम सञ्चालन गर्दै आएको छ। स्कुलले प्राविधिक तथा व्यावसायिक शिक्षा र तालिमका कार्यक्रम सञ्चालन गर्दै आएको विवरण प्राविधिक शिक्षा तथा व्यावसायिक तालिम परिषद् (सीटीईभीटी) का अभिलेखमा समेत उल्लेख छ।
कार्यक्रममार्फत युवालाई सूचना प्रविधिसम्बन्धी व्यावहारिक ज्ञान तथा सीप प्रदान गरी रोजगारी र स्वरोजगारका लागि सक्षम बनाउने उद्देश्यमा जोड दिइएको आयोजकले जनाएको छ।
निओ फ्युजन स्कुल अफ कम्प्युटर भक्तपुरको इनाचोमा रहेको छ र यसले कम्प्युटर अपरेटर, कम्प्युटर हार्डवेयर तथा मर्मतसम्भारलगायतका सीपमूलक कार्यक्रम सञ्चालन गर्दै आएको छ।
Leave a Reply