पारित्राण पाठ ज्याझ्वः क्वचाल

नेवाः बौद्ध तयगु तःधंगु नखः गुँला पर्व या लसताय् थौं ने.सं.११४६ गुँलाथ्व नागपंचमी सोमबार,२०८३ भाद्र १ गते सोमबार कुन्हु युवा बौद्ध पुचः भक्तपुर (YBAB) या ग्वसालय् दीपंकर विहार, क्वाथण्डौ ख्वपय् तुतः व पारित्राण पाठ ज्याझ्वः क्वचाल । ई: बहनी ६:०० ताई निसें ८:०० ताःई तक्क जुगु तुतः व परित्राण पाठ याय् न्ह्य युवा बौद्ध पुचः भक्तपुरया अध्यक्ष रत्नसुन्दर शाक्यजुं ९५० दँ पुलांगु लिच्छवि जुजु हर्षदेवं चिनातगु तुतःमपि व तुतःया महत्व कना बिज्यात, दीपंकर ज्ञानमाला भजन खलःया उपाध्यक्ष पुण्यरत्न शाक्यजुं तुतः ब्वनेगु ज्याझ्वः ग्वयेगु याना वया च्वगु ज्याझ्वः बाँलागु धया बिज्यात ज्याझ्वःया संयोजक शाक्यान शाक्य जुं सुभाय् बिया बिज्यात ज्याझ्वः संस्कृत व पाली अर्थ सहित पाठ ज्याझ्वः सचिव तुलसीकाजी मानन्धरं न्ह्याकादिगु खः ज्याझ्वय् म्हिग बहनी मदुम्ह जनकवि दुर्गालाल श्रेष्ठया सुगती सहित निर्वाण हेतु चुलायेमा धका आशिका नापं पुण्यानुमोदन यागु जुल ।