विभिन्न मुद्दाका ७ जना फरार प्रतिवादी पक्राउ
भक्तपुर, २४ भदौ । फैसला कार्यान्वयन अभियान अन्तर्गत भक्तपुर प्रहरीले विभिन्न मुद्दामा अदालतबाट सजाय ठहर भई फरार रहेका ७ जना प्रतिवादीहरूलाई पक्राउ गरेको छ।
जिल्ला प्रहरी परिसर भक्तपुर, प्रहरी वृत्त ठिमी तथा जगाती र मातहतका कार्यालयबाट खटिएको टोलीले उनीहरूलाई पक्राउ गरी फैसला कार्यान्वयनका लागि जिल्ला अदालत भक्तपुरमा बुझाएको हो।
प्रहरी नायव उपरीक्षक एवं सूचना अधिकारी दिपक कुमार कार्कीका अनुसार पक्राउ परेका प्रतिवादीहरूबाट कुल २ वर्ष ७ दिन कैद सजाय र १३ लाख ३२ हजार ६२२ रुपैयाँ जरिवाना असुल गर्न बाँकी रहेको थियो।
पक्राउ पर्नेहरूमा:
-
बैंकिङ कसुर मुद्दाका २ जना: ७ दिन कैद र रु. १३,००,००० जरिवाना
-
चेक अनादर मुद्दाका १ जना: २ वर्ष कैद
-
सवारी ज्यान मुद्दाका २ जना: रु. ४,००० जरिवाना
-
नकवजनी चोरी मुद्दाका १ जना: रु. ५,००० जरिवाना
-
अंशबण्डा मुद्दाका १ जना: रु. २३,६२२ जरिवाना
Leave a Reply