अनावश्यक रुपमा अति आवश्यक भन्दै झुकाएर सवारी पास लिन आउनेहरुको संख्या निरन्तर वढेको बढे भएपछि जिल्ला प्रशासन कार्यालय भक्तपुरले शुक्रबारदेखि सवारी पास वितरण गर्न बन्द गरेको छ । कार्यालयले शुक्रबार एक सूचना जारी गरी अव अतिआयावश्यक मृत्यु संस्कार र अत्यन्तै जरुरी कार्यको लागि मात्रै स्थानीय तलको सम्बन्धित वडा कार्यालयको सिफरिस लिएर आएकाहरुलाई मात्रै सवारी पास दिने जनाएको छ ।
जोशीले खाद्यान्नका पसलहरु भने बिहानदेखि १० बजेसम्म र साँझ ५ बजेदेखि ७ बजेसम्म खाल्न पाइने जानकारी दिए । यातायातका साधनको हकमा भने अति आवश्यक खाद्यान्नलगायत दैनिक उपभोग्य सामान बोक्ने र अति आवश्यक कामको लागि प्रयोग गर्ने साधानलाई निर्वाध रुपमा चलाउन दिने उनले स्पष्ट पारे ।
विरामी तथा कुरुवा, सरकारी कार्यालय तथा सार्वजनिक संस्थान, बैक, वित्तीय संस्था, विमा, एयरर्पोटमा जानेआउने यात्रुहरुको हकमा सवारी पास आवश्यक नपर्ने बताएको छ । यस्ता व्यक्तिहरुलाई कहीकतै अवरोध भएका सहजीकरणका लागि नेपाल प्रहरीको १०० र १०३ नम्वरमा फोन गर्न सकिने जनाइएको छ ।
